호흡부호 보기
강세부호 보기
장단부호 보기
작은 Iota 보기
모든 부호 보기
ὡσ διελύθησαν ἐκ τοῦ συλλόγου καὶ τὰ λεχθέντα ἐδήλωσαν ἑκάτεροι ταῖσ ἑαυτῶν πόλεσι, τὰσ ἐναντίασ ἔσχον ὑπὲρ ἀλλήλων δόξασ ἀμφότεροι, Σαυνῖται μὲν βραδύτερα τὰ τῶν Ῥωμαίων ἔσεσθαι νομίζοντεσ, ὥσπερ αὐτοῖσ ἔθοσ ἐστὶ ποιεῖν, ὅτε μέλλοιεν ἄρχειν πολέμου, Ῥωμαῖοι δ’ ἐν ὀλίγῳ τὴν Σαυνιτῶν στρατιὰν ἥξειν ἐπὶ τοὺσ αὑτῶν ἀποίκουσ Φρεγελλάνουσ οἰόμενοι. ἔπειτ’ αὐτοῖσ τὰ εἰκότα παθεῖν συνέβη. οἱ μὲν γὰρ παρασκευαζόμενοι καὶ μέλλοντεσ ἀπώλεσαν τοὺσ καιροὺσ τῶν πράξεων, Ῥωμαῖοι δ’ ἐν ἑτοίμῳ πᾶσαν ἔχοντεσ παρασκευὴν ἅμα τῷ πυθέσθαι τὰσ ἀποκρίσεισ τόν τε πόλεμον ἐψηφίσαντο καὶ τοὺσ ὑπάτουσ ἀπέστειλαν ἀμφοτέρουσ·
καὶ πρὶν αἰσθέσθαι τοὺσ πολεμίουσ τὴν ἔξοδον, ἥ τε νεωστὶ καταγραφεῖσα καὶ ἡ περὶ Οὐολούσκουσ χειμερίζουσα δύναμισ, ἣν εἶχε Κορνήλιοσ, ἐντὸσ ἦν τῶν Σαυνιτικῶν ὁρ́ων.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기