호흡부호 보기
강세부호 보기
장단부호 보기
작은 Iota 보기
모든 부호 보기
οὗτοι παραλαμβάνουσι πρῶτοι τὴν ἀνθύπατον ἀρχὴν κατὰ τὸν τρίτον ἐνιαυτὸν τῆσ ὀγδοηκοστῆσ καὶ τετάρτησ ὀλυμπιάδοσ ἄρχοντοσ Ἀθήνησι Διφίλου. μετασχόντεσ δ’ αὐτῆσ ἑβδομήκοντα καὶ τρεῖσ μόνον ἡμέρασ ἀποτίθενται κατὰ τὸν ἀρχαῖον ἐθισμὸν ἑκούσιοι, θεοπέμπτων τινῶν σημείων κωλυτηρίων αὐτοῖσ τοῦ πράττειν τὰ κοινὰ γενομένων. τούτων δὲ τὴν ἐξουσίαν ἀπειπαμένων ἡ βουλὴ συνελθοῦσα μεσοβασιλεῖσ ἀποδείκνυσι.
καὶ ἐκεῖνοι προειπόντεσ ἀρχαιρέσια καὶ τῷ δήμῳ τὴν διάγνωσιν ἀποδιδόντεσ, εἴτε βούλεται χιλιάρχουσ εἴτε ὑπάτουσ ἀποδεῖξαι, κρίναντοσ αὐτοῦ μένειν ἐπὶ τοῖσ ἐξ ἀρχῆσ ἐθισμοῖσ, ἀπέδοσαν τοῖσ βουλομένοισ τῶν πατρικίων μετιέναι τὴν ὕπατον ἀρχήν· καὶ γίνονται πάλιν ἐκ τῶν πατρικίων ὕπατοι Λεύκιοσ Παπίριοσ Μογιλλᾶνοσ καὶ Λεύκιοσ Σεμπρώνιοσ Ἀτρατῖνοσ, ἑνὸσ τῶν ἀποθεμένων τὴν χιλιαρχίαν ἀδελφόσ.
αὗται δύο κατὰ τὸν αὐτὸν ἐνιαυτὸν ἀρχαὶ Ῥωμαίων αἱ τὸ μέγιστον ἔχουσαι κράτοσ ἐγένοντο· πλὴν οὐκ ἐν ἁπάσαισ ταῖσ Ῥωμαικαῖσ χρονογραφίαισ ἀμφότεραι φέρονται, ἀλλ’ ἐν αἷσ μὲν οἱ χιλίαρχοι μόνον, ἐν αἷσ δ’ οἱ ὕπατοι, ἐν οὐ πολλαῖσ δ’ ἀμφότεροι, αἷσ ἡμεῖσ οὐκ ἄνευ λογισμοῦ συγκατατιθέμεθα, πιστεύοντεσ δὲ ταῖσ ἐκ τῶν ἱερῶν τε καὶ ἀποθέτων βίβλων μαρτυρίαισ.
ἄλλο μὲν οὖν οὐδὲν ἐπὶ τῆσ τούτων ἀρχῆσ οὔτε πολεμικὸν οὔτε πολιτικὸν ἔργον ἱστορίασ ἄξιον ἐπράχθη, συνθῆκαι δὲ πρὸσ τὴν Ἀρδεατῶν πόλιν ἐγένοντο περὶ φιλίασ τε καὶ συμμαχίασ·
ἐπρεσβεύσαντο γὰρ ἀποτιθέμενοι τὰ περὶ τῆσ χώρασ ἐγκλήματα παρακαλοῦντεσ φίλοι Ῥωμαίων γενέσθαι καὶ σύμμαχοι. ταύτασ τὰσ συνθήκασ τὸ τῶν ὑπάτων ἀρχεῖον ἐπεκύρωσε.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기