Dionysius of Halicarnassus, Antiquitates Romanae, Books X-XX, book 11, chapter 61

(디오니시오스, Antiquitates Romanae, Books X-XX, book 11, chapter 61)

ταύτην ἀποδειξαμένου τὴν γνώμην Γενυκίου πολὺσ ἐξ ἁπάντων ἔπαινοσ ἐγίνετο, καὶ οἱ μετ’ ἐκεῖνον ἀνιστάμενοι μικροῦ δεῖν πάντεσ ταῦτα συνεχώρουν κράτιστα εἶναι. γράφεται δὴ τὸ προβούλευμα ὑπὸ τῶν ὑπάτων, καὶ λαβόντεσ αὐτὸ μετὰ πολλῆσ χαρᾶσ οἱ δήμαρχοι προῆλθον εἰσ τὴν ἀγοράν. ἔπειτα καλέσαντεσ τὸ πλῆθοσ εἰσ τὴν ἐκκλησίαν, πολλοὺσ διέθεντο τῆσ βουλῆσ ἐπαίνουσ, καὶ παραγγέλλειν τὴν ἀρχὴν ἐκέλευον τοῖσ ἐθέλουσι τῶν δημοτικῶν ἅμα τοῖσ πατρικίοισ. οὕτω δ’ ἄρα κοῦφόν τι πρᾶγμά ἐστιν ἐπιθυμία δίχα λόγου γινομένη καὶ ταχὺ μεταπῖπτον ἐπὶ θάτερα μέρη, μάλιστα δ’ ἡ τῶν ὄχλων, ὥσθ’ οἱ περὶ παντὸσ ποιούμενοι τέωσ τῆσ ἀρχῆσ μεταλαβεῖν καί, εἰ μὴ δοθείη τοῦτ’ αὐτοῖσ ὑπὸ τῶν πατρικίων, ἢ καταλείψοντεσ τὴν πόλιν ὡσ πρότερον, ἢ διὰ τῶν ὅπλων αὐτὸ ληψόμενοι, ἐπειδὴ τὸ συγχώρημα ἔλαβον, ἀπέστησαν εὐθὺσ τῆσ ἐπιθυμίασ καὶ τὰσ σπουδὰσ ἐπὶ θάτερον μετέβαλον.

καὶ κατεσπουδασμένασ ποιουμένων τὰσ δεήσεισ, οὐδένα τῆσ τιμῆσ ταύτησ ἄξιον εἶναι ὑπέλαβον, ἀλλὰ γενόμενοι τῆσ ψήφου κύριοι τοὺσ ἐκ τῶν πατρικίων μετιόντασ αὐτὴν ἄνδρασ ἐπιφανεῖσ χιλιάρχουσ ἀποδεικνύουσιν, Αὖλον Σεμπρώνιον Ἀτρατῖνον καὶ Λεύκιον Ἀτίλιον Λοῦσκον καὶ Τίτον Κλύλιον Σικελόν.

SEARCH

MENU NAVIGATION