Dionysius of Halicarnassus, Antiquitates Romanae, Books X-XX, book 11, chapter 59

(디오니시오스, Antiquitates Romanae, Books X-XX, book 11, chapter 59)

ὑποσχόμενοσ δὲ ταῦτα καὶ δοὺσ ἐξουσίαν τοῖσ βουλομένοισ λέγειν, ἐπειδὴ οὔτε κατηγορήσων οὔτ’ ἀπολογησόμενοσ οὐδεὶσ ὑπὲρ τοῦ νόμου παρῄει, παρελθὼν αὖθισ ἐρωτᾷ πρῶτον Οὐαλέριον, τί τῷ κοινῷ συμφέρει, καὶ τί προβουλεῦσαι τοῖσ συνέδροισ παραινεῖ. καὶ παραπλήσια τούτοισ διεξῆλθε, τελευτῶν ἔφη μὴ δύνασθαι πόλιν ἐλευθέραν εἶναι, ἐξ ἧσ ἄν τισ τὴν ἰσότητ’ ἀνέλῃ·

ἔφη τε δοκεῖν ἑαυτῷ τὸν μὲν νόμον δίκαιον εἶναι τὸν ἀξιοῦντα πᾶσι μετεῖναι Ῥωμαίοισ τῆσ ὑπατικῆσ ἀρχῆσ, τοῖσ γε δὴ βίον ἀνεπίληπτον ἐσχηκόσι καὶ πράξεισ ἀποδεδειγμένοισ τῆσ τιμῆσ ταύτησ ἀξίασ, τὸν δὲ καιρὸν οὐκ ἐπιτήδειον εἰσ τὴν ὑπὲρ αὐτοῦ διάγνωσιν ἐν πολεμικαῖσ ὑπαρχούσησ ταραχαῖσ τῆσ πόλεωσ·

συνεβούλευέ τε τοῖσ μὲν δημάρχοισ ἐᾶν τὴν καταγραφὴν γενέσθαι τῶν στρατιωτῶν καὶ τὴν ἔξοδον μὴ κωλύειν τῶν καταγραφέντων, τοῖσ δ’ ὑπάτοισ, ὅταν τὸ κράτιστον τέλοσ ἐπιθῶσι τῷ πολέμῳ, πρῶτον ἁπάντων τὸ περὶ τοῦ νόμου προβούλευμα εἰσ τὸν δῆμον ἐξενεγκεῖν.

πρὸσ ἀμφοτέρων.

ταύτην ἀποδειξαμένου τὴν γνώμην Οὐαλερίου καὶ μετὰ τοῦτον Ὁρατίου ‐ δευτέρῳ γὰρ τούτῳ λόγον ἀπέδωκαν οἱ ὕπατοι ‐ ταὐτὸ πάθοσ ἅπασι τοῖσ παροῦσι συνέβη.

οἱ μὲν γὰρ ἀνελεῖν τὸν νόμον βουλόμενοι τὴν ἀναβολὴν τῆσ περὶ αὐτοῦ διαγνώσεωσ ἀγαπητῶσ ἀκούσαντεσ, τὸ μετὰ τὸν πόλεμον ἐπάναγκεσ εἶναι σφίσι προβουλεῦσαι περὶ αὐτοῦ χαλεπῶσ ἀπεδέξαντο· οἱ δὲ κύριον ὑπὸ τοῦ συνεδρίου κριθῆναι προαιρούμενοι τὸ μὲν ὡμολογημένον δίκαιον εἶναι τὸν νόμον ἀσμένωσ ἤκουον, τὸ δ’ εἰσ ἑτέρουσ ἐκπίπτειν χρόνουσ τὸ προβούλευμα πρὸσ ὀργὴν ἐλάμβανον.

일치하는 문장이 없습니다.

SEARCH

MENU NAVIGATION