Dionysius of Halicarnassus, Antiquitates Romanae, Books X-XX, book 11, chapter 57

(디오니시오스, Antiquitates Romanae, Books X-XX, book 11, chapter 57)

ὡσ δὲ καθῆκεν ὁ χρόνοσ, ἐν ᾧ τὸ προβούλευμα ἔδει γενέσθαι, συγκαλέσαντεσ οἱ ὕπατοι τὴν βουλὴν καὶ πολλὰσ ὑπὲρ ὁμονοίασ καὶ εὐκοσμίασ ποιησάμενοι παρακλήσεισ πρώτοισ ἀπέδωκαν λέγειν τοῖσ εἰσηγησαμένοισ δημάρχοισ τὸν νόμον. καὶ παρελθὼν εἷσ ἐξ αὐτῶν Γάϊοσ Κανολήιοσ περὶ μὲν τοῦ δίκαιον ἢ συμφέροντα εἶναι τὸν νόμον οὔτ’ ἐδίδασκεν οὔτ’ ἐμέμνητο·

λόγον ἀπέδωκαν ὑπὲρ αὐτοῦ τοῖσ προαιρουμένοισ, εἰρωνείαν εἰσάγοντεσ οὔτε ταῖσ ἑαυτῶν ἡλικίαισ ἁρμόττουσαν, οὔτε τῷ μεγέθει τῆσ ἀρχῆσ προσήκουσαν.

πονηρῶν τ’ ἀρχὰσ ἔφη πολιτευμάτων αὐτοὺσ εἰσάγειν ἀπόρρητα βουλευτήρια συνάγοντασ ἐν ἰδίαισ οἰκίαισ, καὶ οὐδ’ ἅπαντασ τοὺσ βουλευτὰσ εἰσ ταῦτα παρακαλοῦντασ, ἀλλὰ τοὺσ σφίσιν αὐτοῖσ ἐπιτηδειοτάτουσ.

τῶν μὲν οὖν ἄλλων συνέδρων τῶν ἀπελαθέντων τῆσ κατοικιδίου βουλῆσ ἧττον ἔφη θαυμάζειν, Μάρκου δὲ Ὁρατίου καὶ Λευκίου Οὐαλερίου τῶν καταλυσάντων τὴν ὀλιγαρχίαν, ὑπατικῶν ἀνδρῶν καὶ οὐδενὸσ ἧττον ἐπιτηδείων τὰ κοινὰ βουλεύειν, τὴν ἀπαξίωσιν τῆσ εἰσ τὸ συνέδριον παρακλήσεωσ ἐκπεπλῆχθαι, καὶ οὐ δύνασθαι συμβάλλειν ἐπὶ τίνι λόγῳ δικαίῳ, εἰκάζειν δὲ μίαν αἰτίαν, ὅτι πονηρὰσ καὶ ἀσυμφόρουσ γνώμασ εἰσηγεῖσθαι μέλλοντεσ κατὰ τῶν δημοτικῶν οὐκ ἐβούλοντο παρακαλεῖν εἰσ ταῦτα τὰ συνέδρια τοὺσ φιλοδημοτάτουσ, ἀγανακτήσοντασ δηλονότι καὶ οὐ περιοψομένουσ οὐδὲν ἄδικον πολίτευμα κατὰ τοῦ δήμου γινόμενον.

SEARCH

MENU NAVIGATION