Dionysius of Halicarnassus, Antiquitates Romanae, Books X-XX, book 11, chapter 56

(디오니시오스, Antiquitates Romanae, Books X-XX, book 11, chapter 56)

ταύτῃ προσθεμένων τῇ γνώμῃ καὶ τῶν ἄλλων τῶν παρακληθέντων εἰσ τὸ συνέδριον παραλαβὼν τὸν λόγον ὁ Κλαύδιοσ· οὐκ ἀγνοῶ μέν, ἔφησεν, ἡλίκων κρηπὶσ καταβληθήσεται συμφορῶν ἅπασιν ἡμῖν, ἐὰν ἐπιτρέψωμεν τῷ δήμῳ περὶ τοῦ νόμου ψῆφον λαβεῖν· οὐκ ἔχων δ’ ὅ τι χρὴ ποιεῖν οὐδὲ δυνάμενοσ τοσούτοισ οὖσιν μόνοσ ἀντιλέγειν, εἴκω τοῖσ βουλήμασι τοῖσ ὑμετέροισ. δίκαιον γὰρ ἀποφαίνεσθαι μὲν ἕκαστον ἃ δοκεῖ τῷ κοινῷ συνοίσειν, πείθεσθαι δὲ τοῖσ ὑπὸ τῶν πλειόνων κριθεῖσιν.

ἐκεῖνο μέντοι παραινεῖν ὑμῖν ὡσ ἐν χαλεποῖσ καὶ ἀβουλήτοισ πράγμασιν ἔχω, τῆσ μὲν ὑπατείασ μήτε νῦν μήθ’ ὕστερον παραχωρεῖν μηδενὶ πλὴν τῶν πατρικίων, οἷσ μόνοισ ὅσιόν τε καὶ θεμιτόν ἐστι τυγχάνειν· τε ἀντὶ τῶν ὑπάτων ἀποδείκνυτε, ἀριθμὸν αὐτῶν ὁρίσαντεσ ὅσον δή τινα ‐ ἐμοὶ μὲν γὰρ ὀκτὼ ἢ ἓξ ἀποχρῆσ δοκεῖ ‐ ἔν τε τούτοισ τοῖσ ἀνδράσι μὴ ἐλάττονεσ ἀριθμὸν ἔστωσαν οἱ πατρίκιοι τῶν δημοτικῶν.

ταῦτα γὰρ ποιοῦντεσ οὔτε τὴν τῶν ὑπάτων ἀρχὴν εἰσ ταπεινοὺσ καὶ ἀναξίουσ καταβαλεῖτε οὔτε δυναστείασ ἀδίκουσ ἑαυτοῖσ κατασκευάζεσθαι δόξετε μηδεμιᾶσ ἀρχῆσ μεταδιδόντεσ τοῖσ δημοτικοῖσ. ἐπαινεσάντων δ’ ἁπάντων τὴν γνώμην καὶ οὐδενὸσ τἀναντία λέγοντοσ·

ἀκούσατ’, ἔφη, ἃ καὶ τοῖσ ὑπάτοισ ὑμῖν ἔχω παραινεῖν. ἡμέραν προειπόντεσ, ἐν ᾗ τὸ προβούλευμα ἐπικυρώσετε καὶ τὰ κριθέντα ὑπὸ τῆσ βουλῆσ, λόγον ἀπόδοτε τοῖσ ἀπολογουμένοισ ὑπὲρ τοῦ νόμου καὶ τοῖσ κατηγοροῦσι· ῥηθέντων δὲ τῶν λόγων, ὅταν καθήκῃ τὰσ γνώμασ ἐρωτᾶν, μήτ’ ἀπ’ ἐμοῦ ἄρξησθε μήτ’ ἀπὸ κοιντίου τουδὶ μήτ’ ἀπ’ ἄλλου τῶν πρεσβυτέρων μηδενόσ, ἀλλ’ ἀπὸ τοῦ φιλοδημοτάτου τῶν βουλευτῶν Λευκίου Οὐαλερίου, καὶ μετὰ τοῦτον ἀξιοῦτε Ὁράτιον εἴ τι βούλεται λέγειν. ὅταν δὲ τὰσ παρ’ ἐκείνων γνώμασ ἐξετάσητε, τότε τοὺσ πρεσβυτέρουσ ἡμᾶσ κελεύετε λέγειν.

ἐγὼ μὲν οὖν τὴν ἐναντιουμένην γνώμην τοῖσ δημάρχοισ ἀποδείξομαι πάσῃ τῇ παρρησίᾳ χρώμενοσ ‐ τουτὶ γὰρ τῷ κοινῷ συμφέρει ‐ τὸ δὲ περὶ τῶν χιλιάρχων πολίτευμα, εἰ βουλομένοισ ἐστίν, εἰσηγείσθω Τίτοσ Γενύκιοσ οὗτοσ·

σὸσ ἀδελφόσ, ὦ Μάρκε Γενύκιε, λέγῃ.

συνήδρευσαν, ἀλλ’ οὐκ ἐν τῷ φανερῷ, καὶ οὐδένα τῶν προεστηκότων τοῦ δήμου κοινωνὸν τῶν βουλευμάτων παρέλαβον, καὶ μετὰ τοῦτο συνέδριον αὐτοὶ πάλιν ἐκ τῶν φιλοδημοτάτων συναγαγόντεσ ἀλεξήματα καὶ φυλακὰσ ἀντεμηχανῶντο πρὸσ τὰσ ἐπιβουλάσ, ἃσ ἐκ τῶν πατρικίων ἔσεσθαι σφίσιν ὑπώπτευον.

SEARCH

MENU NAVIGATION