헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 52)

μηδὲν δ’ αὐτῶν ἀποκρινομένων, ἀλλ’ ἀγανακτούντων παρελθὼν αὖθισ Σκάπτιοσ ἐπὶ τὸ βῆμα· ἔχετ’, ἔφη, παρακεχωρημένον, ἄνδρεσ πολῖται, παρ’ αὐτῶν τῶν διαφερομένων, ὅτι τῆσ ἡμετέρασ χώρασ ἑαυτοῖσ μηδὲν προσηκούσησ ἀντιποιοῦνται· πρὸσ ταῦτα ὁρῶντεσ τὰ δίκαια καὶ τὰ εὐόρκα ψηφίσασθε. ταῦτα τοῦ Σκαπτίου λέγοντοσ αἰδὼσ εἰσῄει τοὺσ ὑπάτουσ ἐνθυμουμένουσ, ὡσ οὔτε δίκαιον οὔτ’ εὐπρεπὲσ ἡ δίκη λήψεται τέλοσ, ἄν τινα ἀμφισβητουμένην ὑφ’ ἑτέρων χώραν δικαστὴσ αἱρεθεὶσ ὁ Ῥωμαίων δῆμοσ μηδέποτ’ αὐτῆσ ἀντιποιησάμενοσ ἑαυτῷ προσδικάσῃ τοὺσ ἀμφισβητοῦντασ ἀφελόμενοσ·

καὶ πολλοὶ σφόδρα ἐλέχθησαν εἰσ ἀποτροπὴν τοῦ πράγματοσ ὑπὸ τῶν ὑπάτων καὶ τῶν ἡγουμένων τῆσ βουλῆσ λόγοι διακενῆσ.

οἱ γὰρ ἀνειληφότεσ τὰσ ψήφουσ πολλὴν μωρίαν εἶναι λέγοντεσ ἑτέρουσ περιορᾶν τὰ σφέτερα κατέχοντασ, καὶ οὐκ εὐσεβὲσ ἐξοίσειν τέλοσ ὑπολαμβάνοντεσ, ἐὰν Ἀρικηνοὺσ ἢ Ἀρδεάτασ κυρίουσ ἀποδείξωσι τῆσ ἀμφισβητησίμου γῆσ ὀμωμοκότεσ ὧν ἂν εὑρ́ωσιν αὐτὴν οὖσαν τούτων ἐπικρινεῖν·

τοῖσ τε δικαζομένοισ ὀργὴν ἔχοντεσ, ὅτι τοὺσ ἀποστερουμένουσ αὐτῆσ δικαστὰσ ἠξίωσαν λαβεῖν, ἵνα μηδ’ ὕστερον ἔτι σφίσιν ἐγγένηται τὴν ἑαυτῶν ἀνακομίσασθαι κτῆσιν, ἣν αὐτοὶ μεθ’ ὁρ́κου δικάσαντεσ ἑτέρων ἐπέγνωσαν εἶναι. ταῦτα δὴ λογιζόμενοι καὶ ἀγανακτοῦντεσ τρίτον ἐκέλευσαν τεθῆναι καδίσκον ὑπὲρ τῆσ πόλεωσ Ῥωμαίων καθ’ ἑκάστην φυλήν, εἰσ ὃν ἀποθήσονται τὰσ ψήφουσ·

καὶ γίνεται πάσαισ ταῖσ ψήφοισ ὁ Ῥωμαίων δῆμοσ τῆσ ἀμφιλόγου χώρασ κύριοσ.

ταῦτα μὲν ἐπὶ τούτων τῶν ὑπάτων ἐπράχθη.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 11, chapter 52

(디오니시오스, Antiquitates Romanae, Books X-XX, book 11, chapter 52)

상위

목록

SEARCH

MENU NAVIGATION