Dionysius of Halicarnassus, Antiquitates Romanae, Books X-XX, book 11, chapter 48

(디오니시오스, Antiquitates Romanae, Books X-XX, book 11, chapter 48)

Μάρκοσ δ’ Ὁράτιοσ ἐπὶ τὸν κατὰ Σαβίνων πόλεμον ἐπειδὴ τὰ κατὰ τὸν συνάρχοντα ἔγνω προαγαγὼν καὶ αὐτὸσ ἐκ τοῦ χάρακοσ τὰσ δυνάμεισ ἀντεπῆγε θᾶττον ὅλῃ δυνάμει πρὸσ οὐκ ἐλάττουσ ἀριθμὸν τοὺσ Σαβίνουσ καὶ τὰ πολέμια φρόνημά τε καὶ τόλμαν ἐκ τῶν προτέρων κατορθωμάτων πολλὴν πρὸσ τοὺσ ἀντιμαχομένουσ, καὶ κοινῶσ πάντεσ καὶ ἰδίωσ ὁ τούτων προηγούμενοσ· ἦν γὰρ οὐ μόνον στρατηγὸσ ἀγαθόσ, ἀλλὰ καὶ πολεμιστὴσ κατὰ χεῖρα γενναῖοσ·

καὶ τῶν ἱππέων μεγάλην προθυμίαν παρασχομένων νίκην ἀναιρεῖται λαμπροτάτην, πολλοὺσ μὲν ἀποκτείνασ τῶν πολεμίων, πολλῷ δ’ ἔτι πλειόνων αἰχμαλώτων τετυχηκὼσ τοῦ τε χάρακοσ αὐτῶν ἐρήμου κρατήσασ, ἐν ᾧ τήν τ’ ἀποσκευὴν τῶν πολεμίων πολλὴν εὑρ͂ε καὶ τὴν λείαν ἅπασαν, ἣν ἐκ τῆσ Ῥωμαίων γῆσ ἐληίσαντο, αἰχμαλώτουσ τε πάνυ πολλοὺσ τῶν σφετέρων ἀνεσώσατο.

οὐ γὰρ ἔφθασαν ἀνασκευασάμενοι τὰσ ὠφελείασ οἱ Σαβῖνοι διὰ καταφρόνησιν. τὰ μὲν οὖν τῶν πολεμίων χρήματα τοῖσ στρατιώταισ ὠφέλειαν ἐφῆκε ποιεῖσθαι προεξελόμενοσ ἐκ τῶν λαφύρων, ὅσα τοῖσ θεοῖσ καθιερώσειν ἔμελλε·

τὴν δὲ λείαν τοῖσ ἀφαιρεθεῖσιν ἀπέδωκε.

SEARCH

MENU NAVIGATION