Dionysius of Halicarnassus, Antiquitates Romanae, Books X-XX, book 11, chapter 42

(디오니시오스, Antiquitates Romanae, Books X-XX, book 11, chapter 42)

καὶ ἐκ τοῦ φανεροῦ πολλοὶ παριόντεσ ἐθάρρουν λέγειν, εἴ τι δεινὸν ἦσαν πεπονθότεσ. μαθόντεσ δὲ τὰ γενόμενα οἱ πέντε ἄνδρεσ, οὓσ ἔφην ἡγεῖσθαι τῶν ταγμάτων, δείσαντεσ, μή τισ ἐπ’ αὐτοὺσ τῶν ὄχλων ὁρμὴ γένηται, συνέδραμον εἰσ τὸ στρατήγιον πάντεσ καὶ μετὰ τῶν φίλων ἐσκόπουν, ὅπωσ παύσουσι τὴν ταραχήν, τὰ οἰκεῖα ὅπλα περιστησάμενοι.

ὡσ δ’ ἐπύθοντο ἀπεληλυθότασ ἐπὶ τὰσ σκηνὰσ λήξαντά τε καὶ παυσάμενον τὸν θόρυβον, ἀγνοοῦντεσ, ὅτι τῶν ἑκατοντάρχων τοῖσ πλείοσι δεδογμένον ἦν δι’ ἀπορρήτων συνωμοσιῶν ἀπόστασιν πράττειν καὶ συνελευθεροῦν τὴν πατρίδα, ἔκριναν, ἐπειδὰν ἡμέρα τάχιστα γένηται, τὸν μὲν ἐκταράττοντα τοὺσ ὄχλουσ Οὐεργίνιον συλλαβόντασ ἔχειν ἐν φυλακῇ, τὰσ δὲ δυνάμεισ ἀναστήσαντασ ἐκ τοῦ χάρακοσ ἄγειν ἐπὶ τοὺσ πολεμίουσ, καὶ τὴν κρατίστην αὐτῶν τῆσ χώρασ ἐγκαθημένουσ δῃοῦν, περὶ τῶν ἐν τῇ πόλει πραττομένων μηδὲν τοὺσ σφετέρουσ ἔτι ἐῶντασ πολυπραγμονεῖν, τὰ μὲν διὰ τὰσ ὠφελείασ, τὰ δὲ διὰ τοὺσ ἐσομένουσ ὑπὲρ αὐτῶν ἑκάστοτε ἀγῶνασ.

ἐγίνετο δ’ αὐτοῖσ οὐδὲν τῶν ἐκ διαλογισμοῦ·

οὐδὲ γὰρ τὸν Οὐεργίνιον εἰάσαν οἱ λοχαγοὶ καλούμενον εἰσ τὸ στρατήγιον ἀπελθεῖν, ὑποπτεύ διαληφθέντ ἐπὶ τοὺσ πολεμίουσ ἀγαγεῖν τοὺσ λόχουσ ἐβούλοντο, λέγοντεσ· ὡσ καλῶσ ἡμῶν ἐστρατηγήκατε καὶ πρότερον, ἵνα καὶ νῦν λαβόντεσ ἐλπίδασ ἀκολουθῶμεν ὑμῖν, οἵτινεσ ὅσην οὔπω πρότερον ἕτεροι Ῥωμαίων ἡγεμόνεσ ἔκ τ’ αὐτῆσ ἄγοντεσ τῆσ πόλεωσ στρατιὰν καὶ ἀπὸ τῶν συμμάχων ἀγείραντεσ, οὔτε τῶν ἐχθρῶν, ἀλλὰ δι’ ἀνανδρίαν τε καὶ ἀπειρίαν στρατοπεδευσάμενοι, καὶ τὴν ἑαυτῶν χώραν ὡσ ὑπὸ τῶν πολεμίων πτωχοὺσ καὶ ἀπόρουσ ἡμᾶσ ἐποιήσατε ἁπάντων, ὅσοι κ ἐνικῶμεν ταῖσ μάχαισ, ὅτε ὑμῶν κρείττουσ ἦσαν στρατηγοί· τρόπαιά τε καθ’ ἡμῶν ἀνιστᾶσι καὶ σκηνὰσ καὶ ἀνδράποδα καὶ ὅπλα καὶ χρήματα διηρπακότεσ ἔχουσι τὰ ἡμέτερα.

SEARCH

MENU NAVIGATION