헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 36)

ἔτι γὰρ αὐτῶν λεγόντων ἡσυχίαν γενέσθαι κελεύσασ, ἐπειδὴ σιωπή τ’ ἐγένετο, καὶ πᾶσ ὁ κατὰ τὴν ἀγορὰν ὄχλοσ τὴν ὁρμὴν ἐλάμβανεν ἐπιθυμίᾳ γνώσεωσ τῶν ὑπ’ αὐτοῦ λεχθησομένων προαχθείσ, πολλάκισ ἐπιστρέψασ τὸ πρόσωπον τῇδε καὶ τῇδε καὶ τὰ στίφη τῶν ἑταίρων, οἷσ διειλήφει τὴν ἀγοράν, τοῖσ ὄμμασι διαριθμησάμενοσ τοιάδ’ εἶπεν· ἐγὼ δὲ περὶ τοῦδε τοῦ πράγματοσ, ὦ Οὐεργίνιε, καὶ ὑμεῖσ οἱ σὺν τούτῳ παρόντεσ, οὐ νῦν πρῶτον ἀκήκοα, ἀλλὰ παλαίτερον ἔτι πρὶν ἢ τήνδε τὴν ἀρχὴν παραλαβεῖν.

ὃν τρόπον δ’ ἔγνων, ἀκούσατε. ὁ πατὴρ ὁ Μάρκου Κλαυδίου τουδὶ τελευτῶν τὸν βίον ἠξίωσέ με τὸν υἱὸν αὐτοῦ καταλειπόμενον ἐπιτροπεῦσαι· πελάται δ’ εἰσὶ τῆσ οἰκίασ ἡμῶν ἐκ προγόνων. ἐν δὲ τῷ χρόνῳ τῆσ ἐπιτροπείασ μήνυσισ ἐγένετό μοι περὶ τῆσ παιδόσ, ὡσ ὑποβάλοιτο αὐτὴν Νομιτωρία λαβοῦσα παρὰ τῆσ Κλαυδίου δούλησ, καὶ τὸ πρᾶγμα ἐξετάσασ ἔμαθον οὕτωσ ἔχον.

αὐτὴν χρηματισθεὶσ ἢ χαρισάμενοσ.

ἐν δὲ τοῖσ μεταξὺ χρόνοισ ἐγὼ μὲν εἰσ τὰσ πολιτικὰσ πράξεισ ἐγκυλισθεὶσ οὐδὲν ἔτι τῶν Κλαυδίου πραγμάτων εἶχον ἐν φροντίδι.

τούτῳ δ’, ὡσ ἐοίκε, τὸν ἴδιον ἐξετάζοντι βίον καὶ περὶ τῆσ παιδίσκησ ἡ μήνυσισ ἀπεδόθη καθάπερ ἐμοὶ πρότερον, καὶ οὐδὲν ἄδικον ἀξιοῖ τὴν ἐκ τῆσ ἑαυτοῦ θεραπαίνησ γεγονυῖαν ἀπάγειν βουλόμενοσ. εἰ μὲν οὖν ἀλλήλουσ ἔπεισαν αὐτοί, καλῶσ ἂν εἶχεν·

ἐπεὶ δ’ εἰσ ἀμφισβήτησιν ἦλθε τὸ πρᾶγμα, μαρτυρῶ τ’ αὐτῷ ταῦτα καὶ κρίνω εἶναι τοῦτον τῆσ παιδίσκησ κύριον.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 11, chapter 36

(디오니시오스, Antiquitates Romanae, Books X-XX, book 11, chapter 36)

상위

목록

SEARCH

MENU NAVIGATION