Dionysius of Halicarnassus, Antiquitates Romanae, Books X-XX, book 11, chapter 26

(디오니시오스, Antiquitates Romanae, Books X-XX, book 11, chapter 26)

οἱ δ’ ἀσμένωσ δέχεσθαι τὰσ παραινέσεισ σκηψάμενοι· τί οὖν, ἔφασαν, οὐκ αὐτὸσ ἡγεμὼν γίνῃ τῆσ ἀναζεύξεωσ τόπον ἐπιτήδειον προκατασκεψάμενοσ; ἐμπειρίαν δ’ ἱκανὴν ἔχεισ τῶν τόπων διὰ τὰσ πολλὰσ στρατείασ, λόχον δέ σοι δώσομεν ἐπιλέκτων νέων εὐζώνῳ ἐσταλμένων ὁπλίσει·

σοὶ δὲ ἵπποσ τε διὰ τὴν ἡλικίαν παρέστω, καὶ ὁπλισμὸσ ὁ τοῖσ τηλικούτοισ πρέπων. ὑποδεξαμένου δὲ τοῦ Σικκίου καὶ ψιλοὺσ αἰτήσαντοσ ἑκατὸν ἐπιλέκτουσ οὐδένα χρόνον ἐπισχόντεσ ἐκπέμπουσιν αὐτὸν ἔτι νυκτὸσ οὔσησ καὶ σὺν αὐτῷ τοὺσ ἑκατὸν ἄνδρασ ἐκ τῶν ἰδίων ἑταίρων τοὺσ ἰταμωτάτουσ ἐπιλεξάμενοι, οἷσ ἐπέσκηψαν ἀποκτεῖναι τὸν ἄνδρα μεγάλουσ μισθοὺσ τῆσ ἀνδροφονίασ ὑποσχόμενοι.

ἐπεὶ δὲ πολὺ προελθόντεσ ἀπὸ τοῦ χάρακοσ εἰσ χωρίον ἦλθον ὀχθηρὸν καὶ στενόπορον καὶ χαλεπὸν ἵππῳ διεξελθεῖν, ὅτι μὴ βάδην ἀνιόντι, διὰ τὴν τραχύτητα τῶν ὄχθων, σύνθημα δόντεσ ἀλλήλοισ στίφοσ ἐποίουν ὡσ ἅμα χωρήσοντεσ ἐπ’ αὐτὸν ἀθρόοι. θεράπων δέ τισ ὑπασπιστὴσ τοῦ Σικκίου τὰ πολεμικὰ ἀγαθὸσ εἰκάσασ τὴν διάνοιαν αὐτῶν μηνυτὴσ γίνεται τῷ δεσπότῃ.

κἀκεῖνοσ ὡσ ἔγνω κατακλειόμενον αὑτὸν εἰσ δυσχωρίασ, ἔνθα οὐκ ἦν δυνατὸν ἀνὰ κράτοσ ἐλάσαι τὸν ἵππον, καθάλλεταί τε καὶ στὰσ ἐπὶ τὸν ὄχθον, ἵνα μὴ κυκλωθείη πρὸσ αὐτῶν, τὸν ὑπασπιστὴν μόνον ἔχων τοὺσ ἐπιόντασ ὑπέμεινεν.

ὁρμησάντων δὲ ἅμα πάντων πολλῶν ὄντων ἐπ’ αὐτὸν ἀποκτείνει μὲν περὶ πεντεκαίδεκα, τραυματίζει δὲ καὶ διπλασίουσ. ἐδόκει δ’ ἂν καὶ τοὺσ ἄλλουσ ἅπαντασ διαφθεῖραι μαχόμενοσ, εἰ συνῄεσαν ὁμόσε. οἱ δ’ ἄρα συμφρονήσαντεσ, ὡσ ἄμαχον εἰή χρῆμα, καὶ οὐκ ἂν ἕλοιεν αὐτὸν συστάδην, τῆσ μὲν ἐκ χειρὸσ ἀπείχοντο μάχησ, προσωτέρω δ’ ἀποστάντεσ ἔβαλλον οἱ μὲν σαυνίοισ, οἱ δὲ χερμάσιν, οἱ δὲ ξύλοισ·

ἐξ ἐναντίασ βαλλομένων καὶ βάρουσ τῶν ἄνωθεν ἐπικαταραττομένων διέφθειραν αὐτόν.

Σίκκιοσ μὲν δὴ τοιαύτησ καταστροφῆσ ἔτυχεν.

SEARCH

MENU NAVIGATION