헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 20)

μέμνησθε, ὅτι ἀπὸ τῶν αὐτῶν τούτων ἐθνῶν ὥσπερ νῦν δυνάμεισ ἐνέβαλον, αἱ μὲν εἰσ τὴν ἡμετέραν γῆν, αἱ δ’ εἰσ τὴν τῶν συμμάχων ἡμῶν, κατὰ τὸν αὐτὸν ἀμφότεραι χρόνον Γαϊού Ναυτίου καὶ Λευκίου Μινυκίου τὴν ὑπατείαν ἐχόντων, ἔνατον ἢ δέκατον ἔτοσ οἶμαι τουτί. τότε τοίνυν ἀποστειλάντων ὑμῶν νεότητα πολλὴν καὶ ἀγαθὴν ἐπ’ ἀμφότερα τὰ ἔθνη τῷ μὲν ἑτέρῳ τῶν ὑπάτων εἰσ δυσχωρίασ ἀναγκασθέντι κατακλεῖσαι τὸ στρατόπεδον πρᾶξαι μὲν οὐδὲν ἐξεγένετο, πολιορκεῖσθαι δ’ ἐν τῷ χάρακι καὶ κινδυνεύειν σπάνει τῶν ἐπιτηδείων ἁλῶναι·

Ναυτίῳ δ’ ἀντικαθημένῳ Σαβίνων μάχασ ἀναγκαῖον ἦν τίθεσθαι πρὸσ τοὺσ αὐτοὺσ συνεχεῖσ καὶ μηδ’ οἱῴ τ’ εἶναι τοῖσ κάμνουσι τῶν σφετέρων βοηθεῖν.

ἦν τ οὐκ ἄδηλον, ὅτι τῆσ ἐν Αἰκανοῖσ στρατιᾶσ ἀναρπασθείσησ οὐδ’ ἡ Σαβίνουσ πολεμοῦσα ἀνθέξει συνελθόντων εἰσ τὸ αὐτὸ τῶν πολεμίων ἀμφοτέρων. τοιούτων δὴ κινδύνων τὴν πόλιν περιστάντων καὶ οὐδὲ τῶν ἐντὸσ τείχουσ ὁμονοούντων τίνα βοήθειαν εὑρ́ασθε ὑμεῖσ περὶ μέσασ νύκτασ εἰσ τὸ βουλευτήριον συνελθόντεσ;

οὐδ’ ἐν τῇ πόλει τότ’ ὤν, ἀλλ’ ἐν ἀγρῷ.

τὰ μετὰ ταῦτα ἴστε δήπου τοῦ ἀνδρὸσ ἔργα, ὅτι καὶ δυνάμεισ ἀξιοχρέουσ παρεσκευάσατο καὶ τὸ κινδυνεῦον στρατόπεδον ἐρρύσατο καὶ τοὺσ πολεμίουσ ἐτιμωρήσατο καὶ τὸν στρατηγὸν αὐτῶν αἰχμάλωτον ἔλαβε· καὶ ταῦτα ἐν ἡμέραισ τεσσαρεσκαίδεκα μόναισ ἅπαντα διαπραξάμενοσ καὶ εἴ τι ἄλλο σαθρὸν ἦν τῆσ πολιτείασ ἐπανορθωσάμενοσ ἀπέθετο τὰσ ῥάβδουσ·

καὶ τὸ κωλῦον οὐδὲν ἐγένετο νέαν ἀρχὴν ἐν ἡμέρᾳ κυρωθῆναι μιᾷ βουλομένων ὑμῶν. τοῦτο δὴ τὸ παράδειγμα μιμησαμένουσ ἡμᾶσ οἰόμαι δεῖν, ἐπειδὴ οὐδὲν ἄλλο ποιεῖν δυνάμεθα, δικτάτορα ἑλέσθαι, πρὶν ἐντεῦθεν ἐξελθεῖν· ἐὰν γὰρ ὑπερβαλώμεθα τοῦτον τὸν καιρόν, οὐκέτι συνάξουσιν ἡμᾶσ οἱ δέκα βουλευσομένουσ ὑπὲρ οὐδενόσ· ἵνα δὲ καὶ κατὰ νόμουσ ἡ τοῦ δικτάτοροσ ἀνάρρησισ γένηται, τὴν μεσοβασίλειον ἀρχὴν ἑλέσθαι, τὸν ἐπιτηδειότατον ἐκλέξαντασ τῶν πολιτῶν·

ὃ ποιεῖν σύνηθέσ ἐστιν ὑμῖν, ὅταν μήτε βασιλεῖσ ἔχητε μήτε ὑπάτουσ μήτ’ ἄλλην νόμιμον ἀρχὴν μηδεμίαν, ὥσπερ νῦν οὐκ ἔχετε. τοῖσ γὰρ ἀνδράσι τούτοισ παρελήλυθεν ὁ τῆσ ἀρχῆσ χρόνοσ, καὶ τὰσ ῥάβδουσ αὐτῶν ὁ νόμοσ ἀφῄρηται.

ταῦτ’ ἔστιν ἃ παραινῶ πράττειν, ὦ πατέρεσ, ὑμῖν, καὶ συμφέροντα καὶ δυνατά.

ἣν δὲ Κορνήλιοσ εἰσηγεῖται γνώμην, κατάλυσισ ὁμολογουμένη τῆσ ἀριστοκρατίασ ὑμῶν ἐστιν. ἐὰν γὰρ ἅπαξ ὅπλων οἱ δέκα γένωνται κύριοι τῇδε τῇ προφάσει τοῦ πολέμου, δέδοικα μὴ καθ’ ἡμῶν αὐτοῖσ χρήσωνται. οἱ γὰρ οὐκ ἀξιοῦντεσ ἀποθέσθαι τὰσ ῥάβδουσ, ἦ που γε τὰ ὅπλα ἀποθήσονται; λογιζόμενοι δὴ ταῦτα φυλάττεσθε τοὺσ ἀνθρώπουσ, καὶ πᾶσαν ἀπάτην αὐτῶν προβλέπετε. κρείττων γὰρ ἡ πρόνοια τῆσ μεταμελείασ καὶ τὸ μὴ πιστεύειν τοῖσ πονηροῖσ σωφρονέστερον τοῦ προπιστεύσαντασ κατηγορεῖν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 11, chapter 20

(디오니시오스, Antiquitates Romanae, Books X-XX, book 11, chapter 20)

상위

목록

SEARCH

MENU NAVIGATION