Dionysius of Halicarnassus, Antiquitates Romanae, Books X-XX, book 11, chapter 12

(디오니시오스, Antiquitates Romanae, Books X-XX, book 11, chapter 12)

εἰ δὲ διὰ φόβον ἐχθρῶν ὀκνεῖσ ἀποθέσθαι τὴν ἀρχήν, μή σοι κίνδυνοί τινεσ ἐξ αὐτῶν ἐπαχθῶσι, καὶ δίκασ ἀναγκασθῇσ ὑπέχειν τῶν πεπραγμένων, οὐκ ὀρθῶσ δέδοικασ. οὐ γὰρ οὕτω μικρόθυμοσ οὐδ’ ἀχάριστοσ ἔσται ὁ Ῥωμαίων δῆμοσ, ὥστε τῶν μὲν ἁμαρτημάτων σου μεμνῆσθαι, τῶν δ’ εὐεργεσιῶν ἐπιλελῆσθαι, ἀλλ’ ἀντιπαρεξετάζων τὰ νῦν ἀγαθὰ τοῖσ πάλαι κακοῖσ ἐκεῖνα μὲν ἡγήσεται συγγνώμησ ἄξια, ταῦτα δ’ ἐπαίνων.

ὑπάρξει δέ σοι καὶ τῶν πρὸ τῆσ ὀλιγαρχίασ ἔργων πολλῶν καὶ καλῶν ὄντων ὑπομιμνήσκειν τὸν δῆμον, καὶ τὴν ὑπὲρ ἐκείνων χάριν εἰσ βοήθειαν καὶ σωτηρίαν ἀπαιτεῖν, ἀπολογίαισ τε χρῆσθαι πρὸσ τὰ κατηγορήματα πολλαῖσ·

τοῦτο μέν, ὡσ οὐκ αὐτὸσ ἥμαρτεσ, ἀλλὰ τῶν ἄλλων τισ ἀγνοοῦντόσ σου· τοῦτο δ’, ὡσ οὐχ ἱκανὸσ ἦσθα τὸν πράττοντα κωλύειν ἰσότιμον ὄντα· τοῦτο δ’, ὡσ ἑτέρου τινὸσ ἔργου χρησίμου χάριν ἠναγκάσθησ ἀβούλητόν τι ὑπομεῖναι. πολὺσ γὰρ ἂν εἰή ὁ λόγοσ, εἰ πάσασ ἐξαριθμεῖσθαι βουλοίμην τὰσ ἀπολογίασ.

ἄνοιαν ἡλικίασ καταφεύγοντεσ, οἱ δ’ εἰσ πονηρῶν ἀνθρώπων ὁμιλίασ, οἱ δ’ εἰσ μέγεθοσ ἀρχῆσ, οἱ δ’ εἰσ τὴν ἅπαντασ πλανῶσαν τοὺσ ἀνθρωπίνουσ λογισμοὺσ τύχην.

ἐγώ σοι τῆσ ἀρχῆσ ἀποστάντι ὑπισχνοῦμαι πάντων ἀμνηστίαν ὑπάρξειν τῶν ἡμαρτημένων καὶ διαλλαγὰσ πρὸσ τὸν δῆμον ὡσ ἐν κακοῖσ εὐπρεπεῖσ.

SEARCH

MENU NAVIGATION