헬라어 문장 검색 - Διονψσ́Αντιθυι

(디오니시오스, Antiquitates Romanae, Books X-XX, book 11, chapter 5)

ὡσ δὲ ταῦτ’ εἶπεν, ὁ Φάβιοσ ἐκάθητο ὑπ’ αἰσχύνησ οὐδὲν ἀποκρινόμενοσ, Ἄππιοσ δὲ καὶ οἱ λοιποὶ δέκα πάντεσ ἀναπηδήσαντεσ ἐκώλυον αὐτὸν λέγειν. θορύβου δὲ πολλοῦ κατασχόντοσ τὸ συνέδριον καὶ τῶν μὲν πλείστων ἀγανακτούντων, τῶν δ’ ἐκ τῆσ ἑταιρείασ αὐτοὺσ λέγειν ὀρθῶσ ἡγουμένων, ἀνίσταται Μάρκοσ Ὁράτιοσ ὁ Βαρβᾶτοσ ἐπικληθεὶσ ἀπόγονοσ Ὁρατίου τοῦ συνυπατεύσαντοσ Ποπλίῳ Οὐαλερίῳ Ποπλικόλᾳ μετὰ τὴν ἐκβολὴν τῶν βασιλέων, ἀνὴρ καὶ τὰ πολεμικὰ δεινὸσ καὶ λέγειν οὐκ ἀδύνατοσ, Οὐαλερίῳ δ’ ἐκ παλαιοῦ φίλοσ· ὃσ οὐκέτι κατασχὼν τὴν χολὴν ἔφησε·

θᾶττόν μ’ ἀναγκάσετε, Ἄππιε, τοὺσ χαλινοὺσ διαρρῆξαι οὐκέτι μετριάζοντεσ, ἀλλὰ τὸν Ταρκύνιον ἐκεῖνον ἐνδυόμενοι, οἵ γ’ οὐδὲ λόγου τυχεῖν ἐᾶτε τοὺσ περὶ σωτηρίασ τῶν κοινῶν βουλομένουσ λέγειν.

πότερον ὑμῶν ἐξελήλυθεν ἐκ τῆσ διανοίασ, ὅτι σώζονται μὲν οἱ Οὐαλερίων ἀπόγονοι τῶν ἐξελασάντων τὴν τυραννίδα, λείπεται δὲ διαδοχὴ τῆσ Ὁρατίων οἰκίασ, οἷσ πάτριόν ἐστιν. ὁμόσε χωρεῖν τοῖσ καταδουλουμένοισ τὴν πατρίδα καὶ μετὰ τῶν ἄλλων καὶ μόνοισ; ἤ τοσαύτην κατεγνώκατε καὶ ἡμῶν καὶ τῶν ἄλλων Ῥωμαίων ἀνανδρίαν, ὥστ’ ἀγαπήσειν ἐάν τισ ἐᾷ ζῆν ἡμᾶσ ὁπωσδήποτε, ὑπὲρ ἐλευθερίασ δὲ καὶ παρρησίασ μήτ’ ἐρεῖν μήτε πράξειν μηθέν;

ἢ μεθύετε τῷ μεγέθει τῆσ ἐξουσίασ;

ὑμεῖσ Οὐαλερίου λόρον ἀφελεῖσθε ἢ τῶν ἄλλων τινὸσ βουλευτῶν τίνεσ ὄντεσ ἢ ποίαν ἀρχὴν ἔχοντεσ νόμιμον; οὐκ εἰσ ἐνιαυτὸν ἀπεδείχθητε τῶν κοινῶν προστάται; οὐ παρῴχηκεν ὁ τῆσ ἀρχῆσ ὑμῶν χρόνοσ; οὐκ ἰδιῶται τῷ νόμῳ γεγόνατε; ταῦτ’ εἰσ τὸν δῆμον βουλεύεσθε ἐξενεγκεῖν. τί γὰρ δὴ καὶ τὸ κωλῦον ἔσται τὸν βουλόμενον ἡμῶν τὴν ἐκκλησίαν συγκαλεῖν, καὶ τὴν ἐξουσίαν ὑμῶν, ἣν παρὰ τοὺσ νόμουσ ἔχετε, κατηγορεῖν;

ἀνάδοτε τοῖσ πολίταισ ψῆφον ὑπὲρ αὐτοῦ τούτου, πότερα δεῖ μένειν τὴν δεκαδαρχίαν ὑμῶν, ἢ τὰσ πατρίουσ πάλιν ἀποδείκνυσθαι ἀρχάσ· κἂν τοῦτο μανεὶσ ὁ δῆμοσ ὑπομείνῃ, πάλιν τὴν αὐτὴν κατάστασιν ἔχετε καὶ κωλύετε λέγειν, ὁπόσα βούλεταί τισ ὑπὲρ τῆσ πατρίδοσ. ἄξιοι γὰρ ἂν εἰήμεν καὶ ταῦτα καὶ ἔτι χείρονα τούτων πάσχειν ἐφ’ ὑμῖν γενόμενοι καὶ ῥυπαίνοντεσ αἰσχρῷ βίῳ τὰσ ἑαυτῶν τε καὶ τῶν προγόνων ἀρετάσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books X-XX, book 11, chapter 5

(디오니시오스, Antiquitates Romanae, Books X-XX, book 11, chapter 5)

상위

목록

SEARCH

MENU NAVIGATION