헬라어 문장 검색 - Διονψσ́Αντιθυι

(디오니시오스, Antiquitates Romanae, Books IV-VI, book 4, chapter 13)

εὐθὺσ ἅμα τῷ παραλαβεῖν τὴν ἀρχὴν διένειμε τὴν δημοσίαν χώραν τοῖσ θητεύουσι Ῥωμαίων· ἔπειτα τοὺσ νόμουσ τούσ τε συναλλακτικοὺσ καὶ τοὺσ περὶ τῶν ἀδικημάτων ἐπεκύρωσε ταῖσ φράτραισ· ἦσαν δὲ πεντήκοντά που μάλιστα τὸν ἀριθμόν, ὧν οὐδὲν δέομαι μεμνῆσθαι κατὰ τὸ παρόν. τῇ τε πόλει προσέθηκε δύο λόφουσ, τόν τε Οὐιμινάλιον καλούμενον καὶ τὸ Ἰσκυλῖνον, ὧν ἑκάτεροσ ἀξιολόγου πόλεωσ ἔχει μέγεθοσ, καὶ διένειμεν αὐτοὺσ τοῖσ ἀνεστίοισ Ῥωμαίων οἰκίασ κατασκευάσασθαι·

ἔνθα καὶ αὐτὸσ ἐποιήσατο τὴν οἴκησιν ἐν τῷ κρατίστῳ τῆσ Ἰσκυλίασ τόπῳ. οὗτοσ ὁ βασιλεὺσ τελευταῖοσ ηὔξησε τὸν περίβολον τῆσ πόλεωσ τοὺσ δύο τοῖσ πέντε προσθεὶσ λόφοισ, ὀρνιθευσάμενόσ τε ὡσ νόμοσ ἦν καὶ τἆλλα τὰ πρὸσ θεοὺσ ὅσια διαπραξάμενοσ.

προσωτέρω δ’ οὐκέτι προῆλθεν ἡ κατασκευὴ τῆσ πόλεωσ οὐκ ἐῶντοσ, ὥσ φασι, τοῦ δαιμονίου, ἀλλ’ ἔστιν ἅπαντα τὰ περὶ τὴν πόλιν οἰκούμενα χωρία, πολλὰ ὄντα καὶ μεγάλα, γυμνὰ καὶ ἀτείχιστα καὶ ῥᾷστα πολεμίοισ ἐλθοῦσιν ὑποχείρια γενέσθαι·

καὶ εἰ μὲν εἰσ ταῦτά τισ ὁρῶν τὸ μέγεθοσ ἐξετάζειν βουλήσεται τῆσ Ῥώμησ, πλανᾶσθαί τ’ ἀναγκασθήσεται καὶ οὐχ ἕξει βέβαιον σημεῖον οὐδέν, ᾧ διαγνώσεται, μέχρι ποῦ προβαίνουσα ἔτι πόλισ ἐστὶ καὶ πόθεν ἄρχεται μηκέτ’ εἶναι πόλισ, οὕτω συνύφανται τὸ ἄστυ τῇ χώρᾳ καὶ εἰσ ἄπειρον ἐκμηκυνομένησ πόλεωσ ὑπόληψιν τοῖσ θεωμένοισ παρέχεται.

εἰ δὲ τῷ τείχει δυσευρέτῳ μὲν ὄντι διὰ τὰσ περιλαμβανούσασ αὐτὸ πολλαχόθεν οἰκήσεισ, ἴχνη δέ τινα φυλάττοντι κατὰ πολλοὺσ τόπουσ τῆσ ἀρχαίασ κατασκευῆσ, βουληθείη μετρεῖν αὐτὴν κατὰ τὸν κύκλον τὸν περιέχοντα Ἀθηναίων τὸ ἄστυ, οὐ πολλῷ τινι μείζων ὁ τῆσ Ῥώμησ ἂν αὐτῷ φανείη κύκλοσ.

ἀλλ’ ὑπὲρ μὲν τοῦ μεγέθουσ τε καὶ κάλλουσ τῆσ πόλεωσ, ὡσ κατὰ τὴν ἐμὴν εἶχεν ἡλικίαν, ἕτεροσ ἔσται τῇ διηγήσει καιρὸσ ἐπιτηδειότεροσ.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Dionysius of Halicarnassus, Antiquitates Romanae, Books IV-VI, book 4, chapter 13

(디오니시오스, Antiquitates Romanae, Books IV-VI, book 4, chapter 13)

상위

목록

SEARCH

MENU NAVIGATION