호흡부호 보기
강세부호 보기
장단부호 보기
작은 Iota 보기
모든 부호 보기
οὑτωσὶ μὲν δὴ σαφῶσ αὐτὸσ ὁ φιλόσοφοσ ἀποδεικνύει μετὰ τὸν Ὀλυνθιακὸν πόλεμον γεγραμμένασ ὑπ’ αὐτοῦ τὰσ τέχνασ. οὗτοσ δ’ ἐπὶ Καλλιμάχου γέγονεν ἄρχοντοσ, ὡσ δηλοῖ Φιλόχοροσ ἐν ἕκτῃ βύβλῳ τῆσ Ἀτθίδοσ κατὰ λέξιν οὕτω γράφων· Καλλίμαχοσ Περγασῆθεν· ἐπὶ τούτου Ὀλυνθίοισ πολεμουμένοισ ὑπὸ Φιλίππου καὶ πρέσβεισ Ἀθήναζε πέμψασιν οἱ Ἀθηναῖοι συμμαχίαν τε ἐποιήσαντο καὶ βοήθειαν ἔπεμψαν πελταστὰσ δισχιλίουσ, τριήρεισ δὲ τριάκοντα τὰσ μετὰ Χάρητοσ καὶ ἃσ συνεπλήρωσαν ὀκτώ. ἔπειτα διεξελθὼν ὀλίγα τὰ μεταξὺ γενόμενα τίθησι ταυτί· περὶ δὲ τὸν αὐτὸν χρόνον Χαλκιδέων τῶν ἐπὶ Θρᾴκησ θλιβομένων τῷ πολέμῳ καὶ πρεσβευσαμένων Ἀθήναζε Χαρίδημον αὐτοῖσ ἔπεμψαν οἱ Ἀθηναῖοι τὸν ἐν Ἑλλησπόντῳ στρατηγόν· ὃσ ἔχων ὀκτωκαίδεκα τριήρεισ καὶ πελταστὰσ τετρακισχιλίουσ, ἱππεῖσ δὲ πεντήκοντα καὶ ἑκατὸν ἦλθεν εἰσ τήν τε Παλλήνην καὶ τὴν Βοττιαίαν μετ’ Ὀλυνθίων καὶ τὴν χώραν ἐπόρθησεν. ἔπειθ’ ὑπὲρ τῆσ τρίτησ συμμαχίασ λέγει ταυτί· πάλιν δὲ τῶν Ὀλυνθίων πρέσβεισ ἀποστειλάντων εἰσ τὰσ Ἀθήνασ καὶ δεομένων μὴ περιιδεῖν αὐτοὺσ καταπολεμηθέντασ, ἀλλὰ πρὸσ ταῖσ ὑπαρχούσαισ δυνάμεσι πέμψαι βοήθειαν μὴ ξενικὴν ἀλλ’ αὐτῶν Ἀθηναίων, ἔπεμψεν αὐτοῖσ ὁ δῆμοσ τριήρεισ μὲν ἑτέρασ ἑπτακαίδεκα καὶ τῶν πολιτῶν ὁπλίτασ δισχιλίουσ καὶ ἱππεῖσ τριακοσίουσ ἐν ναυσὶν ἱππηγοῖσ, στρατηγὸν δὲ Χάρητα τοῦ στόλου παντόσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기