Diogenes Laertius, Lives of Eminent Philosophers, h, Kef. a'. PUQAGORAS 8:

(디오게네스 라에르티오스, Lives of Eminent Philosophers, h, Kef. a'. PUQAGORAS 8:)

φησὶ δὲ καὶ Ἀριστόξενοσ τὰ πλεῖστα τῶν ἠθικῶν δογμάτων λαβεῖν τὸν Πυθαγόραν παρὰ Θεμιστοκλείασ τῆσ ἐν Δελφοῖσ. Ιὤν δὲ ὁ Χῖοσ ἐν τοῖσ Τριαγμοῖσ φησιν αὐτὸν ἔνια ποιήσαντα ἀνενεγκεῖν εἰσ Ὀρφέα. αὐτοῦ λέγουσι καὶ τοὺσ Σκοπιάδασ, οὗ ἡ ἀρχή, "Μὴ · · ἀνααίδευ μηδενί. " Σωσικράτησ δ’ ἐν Διαδοχαῖσ φησιν αὐτὸν ἐρωτηθέντα ὑπὸ Λέοντοσ τοῦ Φλιασίων τυράννου τίσ εἰή, φιλόσοφοσ, εἰπεῖν. καὶ τὸν βίον ἐοικέναι πανηγύρει· ὡσ οὖν εἰσ ταύτην οἱ μὲν ἀγωνιούμενοι, οἱ δὲ κατ’ ἐμπορίαν, οἱ δέ γε βέλτιστοι ἔρχονται θεαταί, οὕτωσ ἐν τῷ βίῳ οἱ μὲν ἀνδραποδώδεισ, ἔφη, φύονται δόξησ καὶ πλεονεξίασ θηραταί, οἱ δὲ φιλόσοφοι τῆσ ἀληθείασ. καὶ τάδε μὲν ὧδε.

SEARCH

MENU NAVIGATION