Diogenes Laertius, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. h'. MENIPPOS

(디오게네스 라에르티오스, Lives of Eminent Philosophers, ΒΙΩΝ ΚΑΙ ΓΝΩΜΩΝ ΤΩΝ ΕΝ ΦΙΛΟΣΟΦΙΑΙ ΕΥΔΟΚΙΜΗΣΑΝΤΩΝ ΤΩΝ ΕΙΣ ΔΕΚΑ ΤΟ ΕΚΤΟΝ, Kef. h'. MENIPPOS)

Μένιπποσ, καὶ οὗτοσ κυνικόσ, τὸ ἀνέκαθεν ἦν Φοῖνιξ, δοῦλοσ, ὥσ φησιν Ἀχαϊκὸσ ἐν Ἠθικοῖσ. Διοκλῆσ δὲ καὶ τὸν δεσπότην αὐτοῦ Ποντικὸν εἶναι καὶ Βάτωνα καλεῖσθαι. ἀτηρότερον δ’ αἰτῶν ὑπὸ φιλαργυρίασ ἴσχυσε Θηβαῖοσ γενέσθαι. Φέρει μὲν οὖν σπουδαῖον οὐδέν· τὰ δὲ βιβλία αὐτοῦ πολλοῦ καταγέλωτοσ γέμει καί τι ἴσον τοῖσ Μελεάγρου τοῦ κατ’ αὐτὸν γενομένου. Φησὶ δ’ Ἕρμιπποσ ἡμεροδανειστὴν αὐτὸν γεγονέναι καὶ καλεῖσθαι· καὶ γὰρ ναυτικῷ τόκῳ δανείζειν καὶ ἐξενεχυριάζειν, ὥστε πάμπλειστα χρήματα ἀθροίζειν· τέλοσ δ’ ἐπιβουλευθέντα πάντων στερηθῆναι καὶ ὑπ’ ἀθυμίασ βρόχῳ τὸν βίον μεταλλάξαι.

καὶ ἡμεῖσ ἐπαίξαμεν εἰσ αὐτόν· Φοίνικα τὸ γένοσ, ἀλλὰ Κρητικὸν κύνα, ἡμεροδανειστήν‐‐τοῦτο γὰρ ἐπεκλῄζετο‐οἶσθα Μένιππον ἴσωσ. Θήβησιν οὗτοσ ὡσ διωρύγη ποτὲ καὶ πάντ’ ἀπέβαλεν οὐδ’ ἐνόει φύσιν κυνόσ, αὑτὸν ἀνεκρέμασεν. Ἔνιοι δὲ τὰ βιβλί’ αὐτοῦ οὐκ αὐτοῦ εἶναι, ἀλλὰ Διονυσίου καὶ Ζωπύρου τῶν Κολοφωνίων, οἳ τοῦ παίζειν ἕνεκα συγγράφοντεσ ἐδίδοσαν αὐτῷ ὡσ εὖ δυναμένῳ διαθέσθαι. Γεγόνασι δὲ Μένιπποι ἕξ·

πρῶτοσ ὁ γράψασ τὰ περὶ Λυδῶν καὶ Ξάνθον ἐπιτεμόμενοσ, δεύτεροσ αὐτὸσ οὗτοσ, τρίτοσ Στρατονικεὺσ σοφιστήσ, Κὰρ τὸ ἀνέκαθεν· τέταρτοσ ἀνδριαντοποιόσ, πέμπτοσ καὶ ἕκτοσ ζωγράφοι· μέμνηται δ’ ἀμφοτέρων Ἀπολλόδωροσ. Τὰ δ’ οὖν τοῦ κυνικοῦ βιβλία ἐστὶ δεκατρία, Νέκυια. Διαθῆκαι. Ἐπιστολαὶ κεκομψευμέναι ἀπὸ τοῦ τῶν θεῶν προσώπου. Πρὸσ τοὺσ φυσικοὺσ καὶ μαθηματικοὺσ καὶ γραμματικοὺσ καὶ Γονὰσ Ἐπικούρου καὶ Τὰσ θρησκευομένασ ὑπ’ αὐτῶν εἰκάδασ. καὶ ἄλλα.

SEARCH

MENU NAVIGATION