호흡부호 보기
강세부호 보기
장단부호 보기
작은 Iota 보기
모든 부호 보기
Ἀναξίμανδροσ Πραξιάδου Μιλήσιοσ. οὗτοσ ἔφασκεν ἀρχὴν καὶ στοιχεῖον τὸ ἄπειρον, οὐ διορίζων ἀέρα ἢ ὕδωρ ἢ ἄλλο τι. καὶ τὰ μὲν μέρη μεταβάλλειν, τὸ δὲ πᾶν ἀμετάβλητον εἶναι. μέσην τε τὴν γῆν κεῖσθαι, κέντρου τάξιν ἐπέχουσαν οὖσαν σφαιροειδῆ· τήν τε σελήνην ψευδοφαῆ, καὶ ἀπὸ ἡλίου φωτίζεσθαι, ἀλλὰ καὶ τὸν ἥλιον οὐκ ἐλάττονα τῆσ γῆσ, καὶ καθαρώτατον πῦρ. Εὑρ͂εν δὲ καὶ γνώμονα πρῶτοσ καὶ ἔστησεν ἐπὶ τῶν σκιοθήρων ἐν Λακεδαίμονι, καθά φησι Φαβωρῖνοσ ἐν Παντοδαπῇ ἱστορίᾳ, τροπάσ τε καὶ ἰσημερίασ σημαίνοντα, καὶ ὡροσκοπεῖα κατεσκεύασε. καὶ γῆσ καὶ θαλάσσησ περίμετρον πρῶτοσ ἔγραψεν, ἀλλὰ καὶ σφαῖραν κατεσκεύασε.
Τῶν δὲ ἀρεσκόντων αὐτῷ πεποίηται κεφαλαιώδη τὴν ἔκθεσιν, ᾗ που περιέτυχεν καὶ Ἀπολλόδωροσ ὁ Ἀθηναῖοσ· ὃσ καί φησιν αὐτὸν ἐν τοῖσ Χρονικοῖσ τῷ δευτέρῳ ἔτει τῆσ πεντηκοστῆσ ὀγδόησ Ὀλυμ‐ πιάδοσ ἐτῶν εἶναι ἑξήκοντα τεττάρων καὶ μετ’ ὀλίγον τελευτῆσαι, ἀκμάσαντά πη μάλιστα κατὰ Πολυκράτην τὸν Σάμου τύραννον. τούτου φασὶν ᾅδοντοσ καταγελάσαι τὰ παιδάρια, τὸν δὲ μαθόντα φάναι, "βέλτιον οὖν ἡμῖν ᾀστέον διὰ τὰ παιδάρια. " Γέγονε δὲ καὶ ἄλλοσ Ἀναξίμανδροσ ἱστορικόσ, καὶ αὐτὸσ Μιλήσιοσ τῇ Ιἄδι γεγραφώσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기