호흡부호 보기
강세부호 보기
장단부호 보기
작은 Iota 보기
모든 부호 보기
καὶ παρὰ μὲν τοῖσ Λακεδαιμονίοισ οἱ ἀφ’ Ἡρακλέουσ γεγονότεσ ἡγεμόνεσ ἐτάχθησαν ἐπὶ τῶν κεράτων, Κλεόμβροτόσ τε ὁ βασιλεὺσ καὶ Ἀρχίδαμοσ ὁ Ἀγησιλάου τοῦ βασιλέωσ υἱόσ, παρὰ δὲ τοῖσ Βοιωτοῖσ Ἐπαμεινώνδασ ἰδίᾳ τινὶ καὶ περιττῇ τάξει χρησάμενοσ διὰ τῆσ ἰδίασ στρατηγίασ περιεποιήσατο τὴν περιβόητον νίκην. ἐκλεξάμενοσ γὰρ ἐξ ἁπάσησ τῆσ δυνάμεωσ τοὺσ ἀρίστουσ ἐπὶ τὸ ἕτερον μέροσ ἔστησε, μεθ’ ὧν καὶ αὐτὸσ ἔμελλε διαγωνίζεσθαι·
τοὺσ δ’ ἀσθενεστάτουσ ἐπὶ τὸ ἕτερον κέρασ τάξασ παρήγγειλεν αὐτοῖσ φυγομαχεῖν καὶ κατὰ τὴν ἔφοδον τῶν πολεμίων ἐκ τοῦ κατ’ ὀλίγον ὑποχωρεῖν. διὸ καὶ λοξὴν ποιήσασ τὴν φάλαγγα, τῷ τοὺσ ἐπιλέκτουσ ἔχοντι κέρατι ἔγνω κρίνειν τὴν μάχην. ὡσ δ’ αἵ τε σάλπιγγεσ ἐσήμαινον παρ’ ἀμφοτέροισ τὸ πολεμικὸν καὶ κατὰ τὴν πρώτην ὁρμὴν συνηλάλαξαν αἱ δυνάμεισ, οἱ μὲν Λακεδαιμόνιοι τοῖσ κέρασιν ἀμφοτέροισ ἐπῆγον μηνοειδὲσ τὸ σχῆμα τῆσ φάλαγγοσ πεποιηκότεσ, οἱ δὲ Βοιωτοὶ τῷ μὲν ἑτέρῳ κέρατι ὑπεχώρουν, τῷ δὲ ἑτέρῳ δρόμῳ συνῆπτον τοῖσ πολεμίοισ.
ὡσ δὲ συνῆψαν ἀλλήλοισ εἰσ χεῖρασ, τὸ μὲν πρῶτον ἐκθύμωσ ἀμφοτέρων ἀγωνιζομένων ἰσόρροποσ ἦν ἡ μάχη, μετὰ δὲ ταῦτα τῶν περὶ τὸν Ἐπαμεινώνδαν διά τε τὴν ἀρετὴν καὶ τὴν πυκνότητα τῆσ τάξεωσ πλεονεκτούντων πολλοὶ τῶν Πελοποννησίων ἀνῃροῦντο.
οὐ γὰρ ὑπέμενον ὑπενέγκαι τὸ βάροσ τῆσ τῶν ἐπιλέκτων ἀνδραγαθίασ, ἀλλὰ τῶν ἀντιστάντων οἱ μὲν ἔπιπτον, οἱ δὲ κατετραυματίζοντο, πάσασ τὰσ πληγὰσ ἐναντίασ λαμβάνοντεσ. ἑώσ μὲν οὖν ὁ βασιλεὺσ τῶν Λακεδαιμονίων Κλεόμβροτοσ ἔζη, πολλοὺσ ἔχων τοὺσ συνασπίζοντασ καὶ προθύμωσ πρὸ αὐτοῦ ἀποθνήσκοντασ, ἄδηλοσ ἦν ἡ ῥοπὴ τῆσ νίκησ·
ἐπεὶ δ’ οὗτοσ πάντα κίνδυνον ὑπομένων οὐκ ἠδύνατο βιάσασθαι τοὺσ ἀνθεστηκότασ, ἡρωικῶσ δὲ μαχόμενοσ καὶ πολλοῖσ τραύμασι περιπεσὼν ἐτελεύτησε, τότε συνδρομῆσ γενομένησ περὶ τοῦ πτώματοσ νεκρῶν πλῆθοσ ἐσωρεύθη.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기