호흡부호 보기
강세부호 보기
장단부호 보기
작은 Iota 보기
모든 부호 보기
οἱ δὲ Πέρσαι τῇ ναυμαχίᾳ νικήσαντεσ εἰσ Κίτιον πόλιν ἀμφοτέρασ τὰσ δυνάμεισ ἤθροισαν. ἐκ ταύτησ δ’ ὁρμώμενοι πολιορκίαν συνεστήσαντο πρὸσ τῇ Σαλαμῖνι, καὶ τὴν πόλιν ἐπόρθουν κατὰ γῆν ἅμα καὶ κατὰ θάλατταν. καὶ Τιρίβαζοσ μὲν μετὰ τὴν ναυμαχίαν διαβὰσ εἰσ Κιλικίαν, κἀκεῖθεν πορευθεὶσ πρὸσ τὸν βασιλέα, τήν τε νίκην ἀπήγγειλε καὶ δισχίλια τάλαντα πρὸσ τὸν πόλεμον ἀπεκόμισεν·
Εὐαγόρασ δὲ πρὸ μὲν τῆσ ναυμαχίασ παρὰ θάλατταν πεζῇ συμβαλὼν μέρει τῆσ πεζῆσ δυνάμεωσ προετέρησε καὶ πρὸσ τὸ μέλλον εὐθαρσὴσ καθειστήκει, τῇ δὲ ναυμαχίᾳ πταίσασ καὶ συγκλεισθεὶσ εἰσ πολιορκίαν ἀθύμωσ εἶχεν. ὅμωσ δὲ κρίνασ ἔχεσθαι τοῦ πολέμου, Πνυταγόραν μὲν τὸν υἱὸν ἀπέλιπεν ἡγεμόνα τῶν ὅλων ποιήσασ ἐν τῇ Κύπρῳ, αὐτὸσ δ’ ἀναλαβὼν δέκα τριήρεισ νυκτὸσ ἔλαθε τοὺσ πολεμίουσ ἐκπλεύσασ ἐκ τῆσ Σαλαμῖνοσ.
κομισθεὶσ δ’ εἰσ τὴν Αἴγυπτον καὶ συντυχὼν τῷ βασιλεῖ, παρεκάλεσεν αὐτὸν ἐρρωμένωσ ἀντέχεσθαι τοῦ πολέμου καὶ κοινὸν ἡγεῖσθαι τὸν πρὸσ τοὺσ Πέρσασ πόλεμον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기