Diodorus Siculus, Library, book xii, chapter 64

(디오도로스 시켈로스, Library, book xii, chapter 64)

Ἀρταξέρξησ δ’ ὁ τῶν Περσῶν βασιλεὺσ ἐτελεύτησεν ἄρξασ ἔτη τετταράκοντα, τὴν δ’ ἀρχὴν διαδεξάμενοσ Ξέρξησ ἐβασίλευσεν ἐνιαυτόν. κατὰ δὲ τὴν Ἰταλίαν Αἴκλων ἀποστάντων ἀπὸ Ῥωμαίων κατὰ τὸν πόλεμον αὐτοκράτορα μὲν Αὖλον Ποστούμιον, ἵππαρχον δὲ Λεύκιον Ιοὔλιον ἐποίησαν. οὗτοι δὲ μετὰ πολλῆσ δυνάμεωσ ἀξιολόγου στρατεύσαντεσ εἰσ τὴν τῶν ἀφεστηκότων χώραν τὸ μὲν πρῶτον τὰσ κτήσεισ ἐπόρθησαν, μετὰ δὲ ταῦτα Αἴκλων ἀντιταχθέντων ἐγένετο μάχη, καθ’ ἣν ἐνίκησαν οἱ Ῥωμαῖοι, καὶ πολλοὺσ μὲν τῶν πολεμίων ἀνεῖλον, οὐκ ὀλίγουσ δ’ ἐζώγρησαν, λαφύρων δὲ πολλῶν ἐκυρίευσαν.

μετὰ δὲ τὴν μάχην οἱ μὲν ἀφεστηκότεσ διὰ τὴν ἧτταν καταπεπληγμένοι τοῖσ Ῥωμαίοισ ὑπετάγησαν, ὁ δὲ Ποστούμιοσ δόξασ καλῶσ διῳκηκέναι τὰ κατὰ τὸν πόλεμον, κατήγαγε τὸν εἰωθότα θρίαμβον.

ἴδιον δέ τι καὶ παντελῶσ ἄπιστόν φασι πρᾶξαι τὸν Ποστούμιον· κατὰ γὰρ τὴν μάχην τὸν υἱὸν αὐτοῦ διὰ τὴν προθυμίαν προεκπηδῆσαι τῆσ ὑπὸ τοῦ πατρὸσ δεδομένησ τάξεωσ· τὸν δὲ πατέρα τηροῦντα τὸ πάτριον ἔθοσ τὸν υἱὸν ὡσ λελοιπότα τὴν τάξιν ἀποκτεῖναι.

SEARCH

MENU NAVIGATION