호흡부호 보기
강세부호 보기
장단부호 보기
작은 Iota 보기
모든 부호 보기
δόξασ δὲ παραδόξωσ ὑπ’ ἐχθροῦ διασεσῶσθαι, πάλιν εἰσ μείζονασ κινδύνουσ ἐνέπεσε διὰ τοιαύτασ αἰτίασ· Μανδάνη Δαρείου μὲν ἦν θυγάτηρ τοῦ φονεύσαντοσ τοὺσ μάγουσ, ἀδελφὴ δὲ γνησία τοῦ Ξέρξου, μεγίστησ δ’ ἀποδοχῆσ τυγχάνουσα παρὰ τοῖσ Πέρσαισ. αὕτη τῶν υἱῶν ἐστερημένη καθ’ ὃν καιρὸν Θεμιστοκλῆσ περὶ Σαλαμῖνα κατεναυμάχησε τὸν στόλον τῶν Περσῶν, χαλεπῶσ ἔφερε τὴν ἀναίρεσιν τῶν τέκνων, καὶ διὰ τὸ μέγεθοσ τῆσ συμφορᾶσ ἠλεεῖτο παρὰ τοῖσ πλήθεσιν.
αὕτη πυθομένη τὴν παρουσίαν τοῦ Θεμιστοκλέουσ, ἦλθεν εἰσ τὰ βασίλεια πενθίμην ἐσθῆτα λαβοῦσα, καὶ μετὰ δακρύων ἱκέτευε τὸν ἀδελφὸν ἐπιθεῖναι τιμωρίαν τῷ Θεμιστοκλεῖ.
ὡσ δ’ οὐ προσεῖχεν αὐτῇ, περιῄει τοὺσ ἀρίστουσ τῶν Περσῶν ἀξιοῦσα καὶ καθόλου τὰ πλήθη παροξύνουσα πρὸσ τὴν τοῦ Θεμιστοκλέουσ τιμωρίαν. τοῦ δ’ ὄχλου συνδραμόντοσ ἐπὶ τὰ βασίλεια καὶ μετὰ κραυγῆσ ἐξαιτοῦντοσ ἐπὶ τιμωρίαν τὸν Θεμιστοκλέα, ὁ μὲν βασιλεὺσ ἀπεκρίνατο δικαστήριον καταστήσειν ἐκ τῶν ἀρίστων Περσῶν, καὶ τὸ κριθὲν τεύξεσθαι συντελείασ·
πάντων δὲ συνευδοκησάντων, καὶ δοθέντοσ ἱκανοῦ χρόνου εἰσ τὴν παρασκευὴν τῆσ κρίσεωσ, ὁ μὲν Θεμιστοκλῆσ μαθὼν τὴν Περσίδα διάλεκτον, καὶ ταύτῃ χρησάμενοσ κατὰ τὴν ἀπολογίαν, ἀπελύθη τῶν ἐγκλημάτων.
ὁ δὲ βασιλεὺσ περιχαρὴσ γενόμενοσ ἐπὶ τῇ σωτηρίᾳ τἀνδρὸσ μεγάλαισ αὐτὸν δωρεαῖσ ἐτίμησε·
γυναῖκα γὰρ αὐτῷ πρὸσ γάμου κοινωνίαν ἔζευξε Περσίδα, εὐγενείᾳ τε καὶ κάλλει διαφέρουσαν, ἔτι δὲ κατ’ ἀρετὴν ἐπαινουμένην, οἰκετῶν τε πλῆθοσ πρὸσ διακονίαν καὶ παντοδαπῶν ἐκπωμάτων καὶ τὴν ἄλλην χορηγίαν πρὸσ ἀπόλαυσιν καὶ τρυφὴν ἁρμόζουσαν. ἐδωρήσατο δ’ αὐτῷ καὶ πόλεισ τρεῖσ πρὸσ διατροφὴν καὶ ἀπόλαυσιν εὐθέτουσ, Μαγνησίαν μὲν τὴν ἐπὶ τῷ Μαιάνδρῳ, πλεῖστον τῶν κατὰ τὴν Ἀσίαν πόλεων ἔχουσαν σῖτον, εἰσ ἄρτουσ, Μυοῦντα δὲ εἰσ ὄψον, ἔχουσαν θάλατταν εὐίχθυν, Λάμψακον δέ, ἀμπελόφυτον ἔχουσαν χώραν πολλήν, εἰσ οἶνον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기