호흡부호 보기
강세부호 보기
장단부호 보기
작은 Iota 보기
모든 부호 보기
ὑπακουσάντων δὲ τῶν Ἀθηναίων, οἱ μὲν περὶ τὸν Θεμιστοκλέα πρέσβεισ προῆγον εἰσ τὴν Σπάρτην, οἱ δὲ Ἀθηναῖοι μετὰ μεγάλησ σπουδῆσ ᾠκοδόμουν τὰ τείχη, οὔτ’ οἰκίασ οὔτε τάφου φειδόμενοι. συνελαμβάνοντο δὲ τῶν ἔργων οἵ τε παῖδεσ καὶ αἱ γυναῖκεσ καὶ καθόλου πᾶσ ξένοσ καὶ δοῦλοσ, οὐδενὸσ ἀπολειπομένου τῆσ προθυμίασ. παραδόξωσ δὲ τῶν ἔργων ἀνυομένων διά τε τὰσ πολυχειρίασ καὶ τὰσ τῶν ἁπάντων προθυμίασ, ὁ μὲν Θεμιστοκλῆσ ἀνακληθεὶσ ὑπὸ τῶν ἀρχόντων καὶ ἐπιτιμηθεὶσ περὶ τῆσ τειχοποιίασ ἠρνήσατο τὴν οἰκοδομίαν, καὶ παρεκάλεσε τοὺσ ἄρχοντασ μὴ πιστεύειν κεναῖσ φήμαισ, ἀλλ’ ἀποστέλλειν πρέσβεισ ἀξιοπίστουσ εἰσ τὰσ Ἀθήνασ·
διὰ γὰρ τούτων εἴσεσθαι τἀληθέσ· καὶ τούτων ἐγγυητὴν ἑαυτὸν παρεδίδου καὶ τοὺσ μεθ’ ἑαυτοῦ συμπρεσβεύοντασ. πεισθέντεσ δὲ οἱ Λακεδαιμόνιοι τοὺσ μὲν περὶ τὸν Θεμιστοκλέα παρεφύλαττον, εἰσ δὲ τὰσ Ἀθήνασ ἀπέστειλαν τοὺσ ἐπιφανεστάτουσ κατασκεψομένουσ, περὶ ὧν ἦν χρεία πολυπραγμονῆσαι.
τοῦ δὲ χρόνου διεξελθόντοσ, οἱ μὲν Ἀθηναῖοι τὸ τεῖχοσ ἔφθασαν ἐφ’ ἱκανὸν κατεσκευακότεσ, τοὺσ δὲ τῶν Λακεδαιμονίων πρέσβεισ ἐλθόντασ εἰσ τὰσ Ἀθήνασ καὶ μετ’ ἀνατάσεων καὶ ἀπειλῶν ἐπιτιμῶντασ παρέδωκαν εἰσ φυλακήν, φήσαντεσ τότε ἀφήσειν, ὅταν κἀκεῖνοι τοὺσ περὶ Θεμιστοκλέα πρέσβεισ ἀπολύσωσι. τούτῳ δὲ τῷ τρόπῳ καταστρατηγηθέντεσ οἱ Λάκωνεσ ἠναγκάσθησαν ἀπολῦσαι τοὺσ Ἀθηναίων πρέσβεισ, ἵνα τοὺσ ἰδίουσ ἀπολάβωσιν.
ὁ δὲ Θεμιστοκλῆσ τοιούτῳ στρατηγήματι τειχίσασ τὴν πατρίδα συντόμωσ καὶ ἀκινδύνωσ, μεγάλησ ἀποδοχῆσ ἔτυχε παρὰ τοῖσ πολίταισ. ἅμα δὲ τούτοισ πραττομένοισ Ῥωμαίοισ πρὸσ Αἰκολανοὺσ καὶ τοὺσ τὸ Τοῦσκλον κατοικοῦντασ συνέστη πόλεμοσ, καὶ πρὸσ μὲν Αἰκολανοὺσ μάχην συνάψαντεσ ἐνίκησαν καὶ πολλοὺσ τῶν πολεμίων ἀνεῖλον, μετὰ δὲ ταῦτα τὸ Τοῦσκλον ἐξεπολιόρκησαν καὶ τὴν τῶν Αἰκολανῶν πόλιν ἐχειρώσαντο.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기