호흡부호 보기
강세부호 보기
장단부호 보기
작은 Iota 보기
모든 부호 보기
τοιοῦτον δὲ πέρασ τῆσ μάχησ λαβούσησ, οἱ μὲν Ἕλληνεσ τοὺσ πεσόντασ ἔθαψαν, ὄντασ πλείουσ τῶν μυρίων. διελόμενοι δὲ τὰ λάφυρα κατὰ τὸν τῶν στρατιωτῶν ἀριθμὸν τὴν περὶ τῶν ἀριστείων κρίσιν ἐποιήσαντο, καὶ Ἀριστείδου κελεύσαντοσ ἔκριναν ἀριστεῦσαι πόλιν μὲν Σπάρτην, ἄνδρα δὲ Παυσανίαν τὸν Λακεδαιμόνιον. Ἀρτάβαζοσ δ’ ἔχων τῶν φευγόντων Περσῶν εἰσ τετρακισμυρίουσ, καὶ διὰ τῆσ Φωκίδοσ εἰσ Μακεδονίαν πορευθείσ, ὀξυτάταισ πορείαισ ἐχρῆτο, καὶ ἐσώθη μετὰ τῶν στρατιωτῶν εἰσ τὴν Ἀσίαν. οἱ δ’ Ἕλληνεσ ἐκ τῶν λαφύρων δεκάτην ἐξελόμενοι κατεσκεύασαν χρυσοῦν τρίποδα, καὶ ἀνέθηκαν εἰσ Δελφοὺσ χαριστήριον τῷ θεῷ, ἐπιγράψαντεσ ἐλεγεῖον τόδε, Ἑλλάδοσ εὐρυχόρου σωτῆρεσ τόνδ’ ἀνέθηκαν, δουλοσύνησ στυγερᾶσ ῥυσάμενοι πόλιασ.
ἐπέγραψαν δὲ καὶ τοῖσ ἐν Θερμοπύλαισ ἀποθανοῦσι Λακεδαιμονίοισ κοινῇ μὲν ἅπασι τόδε, μυριάσιν ποτὲ τῇδε διηκοσίαισ ἐμάχοντο ἐκ Πελοποννήσου χιλιάδεσ τέτορεσ, ἰδίᾳ δὲ αὐτοῖσ τόδε, ὦ ξεῖν’, ἄγγειλον Λακεδαιμονίοισ ὅτι τῇδε κείμεθα τοῖσ κείνων πειθόμενοι νομίμοισ. ὁμοίωσ δὲ καὶ ὁ τῶν Ἀθηναίων δῆμοσ ἐκόσμησε τοὺσ τάφουσ τῶν ἐν τῷ Περσικῷ πολέμῳ τελευτησάντων, καὶ τὸν ἀγῶνα τὸν ἐπιτάφιον τότε πρῶτον ἐποίησε, καὶ νόμον ἔθηκε λέγειν ἐγκώμια τοῖσ δημοσίᾳ θαπτομένοισ τοὺσ προαιρεθέντασ τῶν ῥητόρων.
μετὰ δὲ ταῦτα Παυσανίασ μὲν ὁ στρατηγὸσ ἀναλαβὼν τὴν δύναμιν ἐστράτευσεν ἐπὶ τὰσ Θήβασ, καὶ τοὺσ αἰτίουσ τῆσ πρὸσ Πέρσασ συμμαχίασ ἐξῄτει πρὸσ τὴν τιμωρίαν·
τῶν δὲ Θηβαίων καταπεπληγμένων τό τε πλῆθοσ τῶν πολεμίων καὶ τὰσ ἀρετάσ, οἱ μὲν αἰτιώτατοι τῆσ ἀπὸ τῶν Ἑλλήνων ἀποστάσεωσ ἑκουσίωσ ὑπομείναντεσ τὴν παράδοσιν ἐκολάσθησαν ὑπὸ τοῦ Παυσανίου καὶ πάντεσ ἀνῃρέθησαν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기