호흡부호 보기
강세부호 보기
장단부호 보기
작은 Iota 보기
모든 부호 보기
ἐν δὲ ταῖσ αὐταῖσ ἡμέραισ καὶ Πτολεμαῖοσ ὁ βασιλεὺσ ἀναζεύξασ ἐξ Αἰγύπτου μετὰ δυνάμεωσ ἀξιολόγου τὰσ μὲν ἐν τῇ Κοίλῃ Συρίᾳ πόλεισ ἁπάσασ ὑποχειρίουσ ἐποιήσατο· Σιδῶνα δὲ πολιορκοῦντοσ αὐτοῦ τινεσ παρῆσαν ἀπαγγέλλοντεσ ψευδῶσ ὅτι παρατάξεωσ γενομένησ τοῖσ βασιλεῦσιν οἱ μὲν περὶ Λυσίμαχον καὶ Σέλευκον ἡττηθέντεσ ἀποκεχωρήκασιν εἰσ τὴν Ἡράκλειαν, Ἀντίγονοσ δὲ νενικηκὼσ προσάγει μετὰ δυνάμεωσ ἐπὶ Συρίασ. παραλογισθεὶσ οὖν ὑπὸ τούτων καὶ πεισθεὶσ ἀληθῆ τὴν προσαγγελίαν εἶναι, πρὸσ μὲν τοὺσ Σιδωνίουσ εἰσ τέτταρασ μῆνασ ἀνοχὰσ ἐποιήσατο, τὰσ δὲ χειρωθείσασ πόλεισ φρουραῖσ ἀσφαλισάμενοσ ἐπανῆλθε μετὰ τῆσ δυνάμεωσ εἰσ Αἴγυπτον.
ἅμα δὲ τούτοισ πραττομένοισ οἱ τῶν παρὰ Λυσιμάχῳ στρατιωτῶν αὐτομολήσαντεσ ἐκ τῆσ χειμασίασ παρ’ Ἀντίγονον Αὐταριάται μὲν δισχίλιοι, Λύκιοι δὲ καὶ Παμφύλιοι περὶ ὀκτακοσίουσ.
τούτοισ μὲν οὖν Ἀντίγονοσ φιλανθρώπωσ προσενεχθεὶσ τούσ τε μισθοὺσ ἔδωκεν, οὓσ ἔφασαν ὀφείλεσθαι παρὰ Λυσιμάχου, καὶ δωρεαῖσ ἐτίμησε. καθ’ ὃν δὴ χρόνον ἦλθε καὶ Σέλευκοσ ἐκ τῶν ἄνω σατραπειῶν διαβεβηκὼσ εἰσ Καππαδοκίαν μετὰ πολλῆσ δυνάμεωσ καὶ κατασκευάσασ στεγνὰ τοῖσ στρατιώταισ παρεχείμαζεν.
εἶχε δὲ πεζοὺσ μὲν εἰσ δισμυρίουσ, ἱππεῖσ δὲ σὺν τοῖσ ἱπποτοξόταισ περὶ μυρίουσ δισχιλίουσ, ἐλέφαντασ δὲ ὀγδοήκοντα πρὸσ τοῖσ τετρακοσίοισ, ἁρ́ματα δὲ δρεπανηφόρα πλείω τῶν ἑκατόν. αἱ μὲν οὖν τῶν βασιλέων δυνάμεισ τοῦτον τὸν τρόπον ἠθροίζοντο, κεκρικότων ἁπάντων κατὰ τὴν ἐπιοῦσαν θερίαν διὰ τῶν ὅπλων κρῖναι τὸν πόλεμον.
ἡμεῖσ δέ, καθάπερ ἐν ἀρχῇ προεθέμεθα, τὸν γενόμενον τούτοισ τοῖσ βασιλεῦσι πρὸσ ἀλλήλουσ πόλεμον περὶ τῶν ὅλων πράξεων ἀρχὴν ποιησόμεθα τῆσ ἑπομένησ βίβλου.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기