호흡부호 보기
강세부호 보기
장단부호 보기
작은 Iota 보기
모든 부호 보기
ἔπειτα γενομένησ ἡμέρασ προσέταξε τοῖσ ὑπηρέταισ ἀθροῖσαι τὰ βέλη τὰ πεσόντα παρὰ τῶν Ῥοδίων, ἐκ τούτων βουλόμενοσ συλλογίσασθαι τῶν ἐν τῇ πόλει τὴν παρασκευήν. ὧν ταχὺ τὸ προσταχθὲν ποιησάντων ἠριθμήθησαν πυρφόροι μὲν τοῖσ μεγέθεσι παντοῖοι πλείουσ τῶν ὀκτακοσίων, ὀξυβελεῖσ δὲ οὐκ ἐλάττουσ τῶν χιλίων πεντακοσίων.
τοσούτων δὲ βελῶν ἐνεχθέντων ἐν βραχεῖ χρόνῳ νυκτὸσ ἐθαύμαζε τὴν χορηγίαν τῆσ πόλεωσ καὶ τὴν ἐν τούτοισ δαψίλειαν. τότε μὲν οὖν ὁ Δημήτριοσ κατεσκεύασε τὰ πεπονηκότα τῶν ἔργων καὶ περί τε τὴν ταφὴν τῶν τελευτησάντων καὶ τὴν θεραπείαν τῶν τραυματιῶν ἐγίνετο.
καθ’ ὃν δὴ χρόνον οἱ κατὰ τὴν πόλιν ἄνεσιν λαβόντεσ τῆσ ἀπὸ τῶν μηχανῶν βίασ ᾠκοδόμησαν τρίτον τεῖχοσ μηνοειδέσ, περιλαμβάνοντεσ τῇ μὲν περιφερείᾳ πάντα τὸν κινδυνεύοντα τόπον τοῦ τείχουσ·
οὐδὲν δ’ ἧττον καὶ τάφρῳ βαθείᾳ περιέλαβον τὸ πεπτωκὸσ τοῦ τείχουσ, ὅπωσ μὴ δύνηται ῥᾳδίωσ ὁ βασιλεὺσ ἐξ ἐφόδου μετὰ βάρουσ εἰσπεσεῖν εἰσ τὴν πόλιν. ἐξέπεμψαν δὲ καὶ ναῦσ τῶν ἄριστα πλεουσῶν, Ἀμύνταν ἐπιστήσαντεσ ἡγεμόνα, ὃσ ἐκπλεύσασ πρὸσ τὴν Περαίαν τῆσ Ἀσίασ ἐπεφάνη παραδόξωσ πειραταῖσ τισιν ἀπεσταλμένοισ ὑπὸ Δημητρίου.
οὗτοι δ’ εἶχον ἄφρακτα τρία, κράτιστοι δοκοῦντεσ εἶναι τῶν τῷ βασιλεῖ συστρατευόντων. γενομένησ δ’ ἐπ’ ὀλίγον χρόνον ναυμαχίασ οἱ Ῥόδιοι βιασάμενοι τῶν νεῶν αὐτάνδρων ἐκυρίευσαν, ἐν οἷσ ἦν καὶ Τιμοκλῆσ ὁ ἀρχιπειρατήσ. ἐπέπλευσαν δὲ καὶ τῶν ἐμπόρων τισὶ καὶ παρελόμενοι κέλητασ οὐκ ὀλίγουσ γέμοντασ σίτου τούτουσ τε καὶ τὰ τῶν πειρατῶν ἄφρακτα κατήγαγον εἰσ τὴν Ῥόδον νυκτόσ, λαθόντεσ τοὺσ πολεμίουσ.
ὁ δὲ Δημήτριοσ ἐπισκευάσασ τὰ πεπονηκότα τῶν ἔργων προσέβαλλε τῷ τείχει τὰσ μηχανὰσ καὶ πᾶσι τοῖσ βέλεσιν ἀφειδῶσ χρώμενοσ τοὺσ μὲν ἐπὶ ταῖσ ἐπάλξεσιν ἐφεστῶτασ ἀνεῖρξε, τοῖσ δὲ κριοῖσ τύπτων τὸ συνεχὲσ τοῦ τόπου δύο μὲν μεσοπύργια κατέβαλε, περὶ δὲ τὸν πύργον τὸν ἀνὰ μέσον τούτων φιλοτιμουμένοισ τοῖσ ἐκ τῆσ πόλεωσ ἰσχυροὶ καὶ συνεχεῖσ ἐκ διαδοχῆσ ἀγῶνεσ ἐγίνοντο, ὥστε καὶ τὸν στρατηγὸν αὐτῶν Ἀνανίαν ἐκθύμωσ ἀγωνισάμενον ἀναιρεθῆναι καὶ συχνοὺσ τῶν ἄλλων στρατιωτῶν ἀποθανεῖν.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기