호흡부호 보기
강세부호 보기
장단부호 보기
작은 Iota 보기
모든 부호 보기
ἀνέτρεχον εἰσ τὴν προϋπάρχουσαν φιλίαν. ὁ δ’ Ἀρχάγαθοσ ὁρῶν διειλημμένην ἅπασαν τὴν Λιβύην πολεμίοισ στρατοπέδοισ καὶ αὐτὸσ διεῖλε τὴν δύναμιν καὶ μέροσ μὲν ἐξέπεμψεν εἰσ τὴν παραθαλάττιον, τῆσ δ’ ἄλλησ στρατιᾶσ ἣν μὲν Αἰσχρίωνι παραδοὺσ ἐξέπεμψεν, ἧσ δ’ αὐτὸσ ἡγεῖτο, καταλιπὼν τὴν ἱκανὴν φυλακὴν ἐπὶ τοῦ Τύνητοσ. τοσούτων δὲ στρατοπέδων ἐπὶ τῆσ χώρασ πανταχῇ πλαζομένων καὶ προσδοκωμένησ ἔσεσθαι πραγμάτων ὁλοσχεροῦσ μεταβολῆσ ἅπαντεσ ἠγωνίων, καραδοκοῦντεσ τὸ τέλοσ τῶν ἀποβησομένων.
Ἄννων μὲν οὖν ἡγούμενοσ τοῦ κατὰ τὴν μεσόγειον στρατοπέδου θεὶσ ἐνέδραν τοῖσ περὶ τὸν Αἰσχρίωνα καὶ παραδόξωσ ἐπιθέμενοσ ἀνεῖλε πεζοὺσ μὲν πλείουσ τῶν τετρακισχιλίων, ἱππεῖσ δὲ περὶ διακοσίουσ, ἐν οἷσ ἦν καὶ αὐτὸσ ὁ στρατηγόσ·
τῶν δ’ ἄλλων οἱ μὲν ἥλωσαν, οἱ δὲ διεσώθησαν πρὸσ Ἀρχάγαθον, ἀπέχοντα σταδίουσ πεντακοσίουσ. Ἰμίλκων δ’ ἐπὶ τοὺσ ἄνω τόπουσ στρατεύειν ἀποδειχθεὶσ τὸ μὲν πρῶτον ἐφήδρευε τῇ πόλει πρὸσ τὸν Εὔμαχον, ἐφελκόμενον βαρὺ τὸ στρατόπεδον διὰ τὰσ ἐκ τῶν ἁλουσῶν πόλεων ὠφελείασ.
μετὰ δὲ ταῦτα τῶν Ἑλλήνων ἐκταξάντων τὴν δύναμιν καὶ προκαλουμένων εἰσ μάχην Ἰμίλκων μέροσ μὲν τῆσ στρατιᾶσ κατέλιπε διεσκευασμένον ἐν τῇ πόλει, διακελευσάμενοσ, ὅταν αὐτὸσ ἀναχωρῇ προσποιούμενοσ φεύγειν, ἐπεξελθεῖν τοῖσ ἐπιδιώκουσιν·
αὐτὸσ δὲ προαγαγὼν τοὺσ ἡμίσεισ τῶν στρατιωτῶν καὶ μικρὸν πρὸ τῆσ παρεμβολῆσ συνάψασ μάχην εὐθὺσ ἔφευγεν ὡσ καταπεπληγμένοσ. οἱ δὲ περὶ τὸν Εὔμαχον ἐπαρθέντεσ τῇ νίκῃ καὶ τῆσ τάξεωσ οὐδὲν φροντίσαντεσ ἐδίωκον καὶ τεθορυβημένωσ τῶν ὑποχωρούντων ἐξήπτοντο·
ἄφνω δὲ καθ’ ἕτερον μέροσ τῆσ πόλεωσ ἐκχυθείσησ τῆσ δυνάμεωσ κατεσκευασμένησ καὶ πλήθουσ ἱκανοῦ πρὸσ ἓν παρακέλευσμα συναλαλάξαντοσ κατεπλάγησαν. ἐμβαλόντων οὖν τῶν βαρβάρων εἰσ ἀσυντάκτουσ καὶ πεφοβημένουσ διὰ τὸ παράδοξον, ταχὺ τροπὴν συνέβη γενέσθαι τῶν Ἑλλήνων.
ὑποτεμομένων δὲ τῶν Καρχηδονίων τὴν εἰσ τὴν στρατοπεδείαν ἀποχώρησιν τῶν πολεμίων ἠναγκάσθησαν οἱ περὶ τὸν Εὔμαχον καταφυγεῖν ἐπὶ τὸν πλησίον λόφον ὕδατοσ σπανίζοντα. περιστρατοπεδευσάντων δὲ τὸν τόπον τῶν Φοινίκων ἅμα μὲν ὑπὸ τοῦ δίψουσ καταπονηθέντεσ, ἅμα δ’ ὑπὸ τῶν πολεμίων κρατούμενοι σχεδὸν ἅπαντεσ ἀνῃρέθησαν·
ἀπὸ μὲν γὰρ πεζῶν ὀκτακισχιλίων τριάκοντα μόνον διεσώθησαν, ἀπὸ δ’ ἱππέων ὀκτακοσίων τετταράκοντα διέφυγον τὸν κίνδυνον.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기