호흡부호 보기
강세부호 보기
장단부호 보기
작은 Iota 보기
모든 부호 보기
τούτου δὲ περὶ ταῦτ’ ὄντοσ Δεινοκράτησ ὁ τῶν φυγάδων ἡγούμενοσ ἀναλαβὼν τὴν Ἀκραγαντίνων προαίρεσιν καὶ προστάτην αὑτὸν ἀναδείξασ τῆσ κοινῆσ ἐλευθερίασ ἐποίησε πολλοὺσ ἁπανταχόθεν συνδραμεῖν πρὸσ αὐτόν· οἱ μὲν γὰρ διὰ τὴν ἔμφυτον πᾶσιν ἐπιθυμίαν τῆσ αὐτονομίασ, οἱ δὲ διὰ τὸν Ἀγαθοκλέουσ φόβον προθύμωσ ὑπήκουον τοῖσ παραγγελλομένοισ.
ἠθροισμένων δ’ αὐτῶν πεζῶν μὲν οὐ πολὺ ἐλάττων δισμυρίων, ἱππέων δὲ χιλίων καὶ πεντακοσίων καὶ πάντων τούτων ἐν φυγαῖσ καὶ μελέταισ τοῦ πονεῖν συνεχῶσ γεγονότων κατεστρατοπέδευσεν ἐν ὑπαίθρῳ, προκαλούμενοσ τῇ μάχῃ τὸν δυνάστην. τοῦ δ’ Ἀγαθοκλέουσ λειπομένου πολὺ ταῖσ δυνάμεσι καὶ φυγομαχοῦντοσ ἐκ ποδὸσ ἠκολούθει συνεχῶσ, ἀκονητὶ περιπεποιημένοσ τὴν νίκην.
ἀπὸ δὲ τούτων τῶν καιρῶν τοῖσ περὶ τὸν Ἀγαθοκλέα συνέβαινε πρὸσ τὸ χεῖρον μεταβάλλειν οὐ μόνον τὰ κατὰ Σικελίαν, ἀλλὰ καὶ τὰ κατὰ Λιβύην πράγματα. Ἀρχάγαθοσ γὰρ ὁ καταλειφθεὶσ ὑπ’ αὐτοῦ στρατηγὸσ μετὰ τὴν ἀναγωγὴν τοῦ πατρὸσ τὸ μὲν πρῶτον ἐπλεονέκτει, πέμψασ εἰσ τοὺσ ἄνω τόπουσ μέροσ τι τῆσ δυνάμεωσ, ἧσ ἦν ἡγεμὼν Εὔμαχοσ.
οὗτοσ γὰρ Τώκασ πόλιν εὐμεγέθη χειρωσάμενοσ πολλοὺσ προσηγάγετο τῶν πλησίον κατοικούντων Νομάδων. εἶθ’ ἑτέραν ἐκπολιορκήσασ, τὴν ὀνομαζομένην Φελλίνην, ἠνάγκασε πιθαρχεῖν τοὺσ τὴν ἑξῆσ χώραν νεμομένουσ, τοὺσ καλουμένουσ Ἀσφοδελώδεισ, ὄντασ τῷ χρώματι παραπλησίουσ τοῖσ Αἰθίοψι.
τρίτην δ’ εἷλε Μεσχέλαν, μεγίστην οὖσαν, ᾠκισμένην δὲ τὸ παλαιὸν ὑπὸ τῶν ἐκ Τροίασ ἀνακομιζομένων Ἑλλήνων, περὶ ὧν ἐν τῇ τρίτῃ βίβλῳ προειρήκαμεν, ἑξῆσ δὲ τὴν ὀνομαζομένην ἄκραν Ἵππου τὴν ὁμώνυμον τῇ χειρωθείσῃ κατὰ κράτοσ ὑπ’ Ἀγαθοκλέουσ καὶ τελευταίαν τὴν προσαγορευομένην Ἀκρίδα πόλιν αὐτόνομον, ἣν ἐξανδραποδισάμενοσ ἐξέδωκετοῖσ στρατιώταισ διαρπάσαι.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기