호흡부호 보기
강세부호 보기
장단부호 보기
작은 Iota 보기
모든 부호 보기
γεγονότων εὐτυχημάτων ἀπαγγελοῦντασ· ἡ δὲ τῶν Καρχηδονίων στρατιὰ μετὰ τὴν γενομένην συμφορὰν μαθοῦσα τὴν αἰτίαν τῶν ἀτυχημάτων μόγισ ἀπηλλάγη τῶν φόβων. ἀναρχίασ δ’ οὔσησ διέστησαν οἱ βάρβαροι πρὸσ τοὺσ Ἕλληνασ. οἱ μὲν οὖν φυγάδεσ μετὰ τῶν λοιπῶν Ἑλλήνων Δεινοκράτην στρατηγὸν ἀπέδειξαν, οἱ δὲ Καρχηδόνιοι τοῖσ δευτερεύουσι μετὰ τὸν στρατηγὸν τιμῇ τὴν ἡγεμονίαν ἐνεχείρισαν.
καθ’ ὃν δὴ χρόνον Ἀκραγαντῖνοι θεωροῦντεσ τὴν ἐν Σικελίᾳ κατάστασιν εὐφυεστάτην οὖσαν πρὸσ ἐπίθεσιν ἠμφισβήτησαν τῆσ κατὰ τὴν νῆσον ἡγεμονίασ· ὑπελάμβανον γὰρ Καρχηδονίουσ μὲν μόγισ ἀνθέξειν τῷ πρὸσ Ἀγαθοκλέα πολέμῳ, Δεινοκράτην δ’ εὐκαταγώνιστον εἶναι συνηθροικότα φυγαδικὴν στρατιάν, τοὺσ δ’ ἐν ταῖσ Συρακούσσαισ θλιβομένουσ τῇ σιτοδείᾳ μηδ’ ἐγχειρήσειν ἀμφισβητεῖν τῶν πρωτείων, τὸ δὲ μέγιστον, τὴν στρατείαν ἑαυτῶν ποιουμένων ἐπ’ ἐλευθερώσει τῶν πόλεων ἀσμένωσ ἅπαντασ ὑπακούσεσθαι διά τε τὸ πρὸσ τοὺσ βαρβάρουσ μίσοσ καὶ διὰ τὴν ἔμφυτον πᾶσιν ἐπιθυμίαν τῆσ αὐτονομίασ.
οὗτοι μὲν οὖν ἑλόμενοι στρατηγὸν Ξενόδικον καὶ τὴν ἁρμόζουσαν δόντεσ δύναμιν ἐξέπεμψαν ἐπὶ τὸν πόλεμον·
ὁ δὲ παραχρῆμα ἐπὶ τὴν Γέλαν ὁρμήσασ καὶ διά τινων ἰδιοξένων νυκτὸσ εἰσαχθεὶσ ἐκυρίευσε τῆσ πόλεωσ ἅμα καὶ δυνάμεωσ ἁδρᾶσ καὶ χρημάτων. ἐλευθερωθέντεσ οὖν οἱ Γελῷοι προθυμότατα πανδημεὶ συστρατεύοντεσ ἠλευθέρουν τὰσ πόλεισ.
διαβοηθείσησ δὲ τῆσ τῶν Ἀκραγαντίνων ἐπιβολῆσ κατὰ πᾶσαν τὴν νῆσον ἐνέπεσεν ὁρμὴ ταῖσ πόλεσι πρὸσ τὴν ἐλευθερίαν. καὶ πρῶτοι μὲν Ἐνναῖοι πέμψαντεσ τὴν πόλιν τοῖσ Ἀκραγαντίνοισ παρέδωκαν· οἱ δὲ ταύτην ἐλευθερώσαντεσ παρῆλθον ἐπὶ τὸν Ἐρβησσόν, φρουρᾶσ ἐν αὐτῷ παραφυλαττούσησ τὴν πόλιν. γενομένησ δὲ μάχησ ἰσχυρᾶσ καὶ τῶν πολιτικῶν συνεργησάντων συνέβη τὴν φρουρὰν ἁλῶναι καὶ πολλοὺσ μὲν πεσεῖν τῶν βαρβάρων, εἰσ πεντακοσίουσ δὲ θεμένουσ τὰ ὅπλα παραδοῦναι σφᾶσ αὐτούσ.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기