호흡부호 보기
강세부호 보기
장단부호 보기
작은 Iota 보기
모든 부호 보기
οὐ μὴν παντελῶσ γε τοὺσ ῥητορικοὺσ λόγουσ ἀποδοκιμάζοντεσ ἐκβάλλομεν ἐκ τῆσ ἱστορικῆσ πραγματείασ τὸ παράπαν· ὀφειλούσησ γὰρ τῆσ ἱστορίασ τῇ ποικιλίᾳ κεκοσμῆσθαι κατ’ ἐνίουσ τόπουσ ἀνάγκη προσλαμβάνεσθαι καὶ τοὺσ τοιούτουσ λόγουσ ‐ καὶ ταύτησ τῆσ εὐκαιρίασ οὐδ’ ἂν ἐμαυτὸν ἀποστερῆσαι βουληθείην ‐ ὥσθ’ ὅταν τὰ τῆσ περιστάσεωσ ἀπαιτῇ πρεσβευτοῦ ἢ συμβούλου δημηγορίαν ἢ τῶν ἄλλων τι τοιοῦτον, ὁ μὴ τεθαρρηκότωσ συγκαταβαίνων πρὸσ τοὺσ ἐν τοῖσ λόγοισ ἀγῶνασ καὶ αὐτὸσ ὑπαίτιοσ ἂν εἰή. οὐκ ὀλίγασ γὰρ ἄν τισ αἰτίασ εὑρ́οι, καθ’ ἃσ κατὰ πολλὰ ἀναγκαίωσ παραληφθήσεται τὰ τῆσ ῥητορείασ·
ἢ γὰρ πολλῶν εἰρημένων εὐστόχωσ καὶ καλῶσ οὐ παραλειπτέον δι’ ὀλιγωρίαν τὰ μνήμησ ἄξια καὶ τῇ ἱστορίᾳ κεκραμένην ἔχοντα τὴν ὠφέλειαν, ἢ μεγάλων καὶ λαμπρῶν τῶν ὑποθέσεων οὐσῶν οὐ περιορατέον ἐλάττονα τῶν ἔργων φανῆναι τὸν λόγον· ἔστι δ’ ὅτε παρὰ προσδοκίαν τοῦ τέλουσ ἐκβάντοσ ἀναγκασθησόμεθα τοῖσ οἰκείοισ τῆσ ὑποθέσεωσ λόγοισ χρήσασθαι χάριν τοῦ λῦσαι τὴν ἀλογίαν. ἀλλὰ περὶ μὲν τούτων ἅλισ ἡμῖν ἐχέτω, περὶ δὲ τῶν ὑποκειμένων πράξεων ῥητέον, παραθέντασ πρότερον τοὺσ οἰκείουσ τῇ γραφῇ χρόνουσ.
ἐν μὲν οὖν ταῖσ προηγουμέναισ βύβλοισ ἀναγεγράφαμεν ἀπὸ τῶν ἀρχαιοτάτων χρόνων τὰσ πράξεισ τάσ τε τῶν Ἑλλήνων καὶ βαρβάρων ἑώσ ἐπὶ τὸν προηγούμενον ἐνιαυτὸν τῆσ Ἀγαθοκλέουσ στρατείασ εἰσ τὴν Λιβύην, εἰσ ἣν ἀπὸ Τροίασ ἁλώσεωσ ἔτη συνάγεται τρισὶ πλείω τῶν ὀκτακοσίων ὀγδοήκοντα· ἐν ταύτῃ δὲ τὸ συνεχὲσ προστιθέντεσ τῆσ ἱστορίασ ἀρξόμεθα μὲν ἀπὸ τῆσ εἰσ Λιβύην διαβάσεωσ Ἀγαθοκλέουσ, καταλήξομεν δ’ εἰσ τὸν ἐνιαυτὸν καθ’ ὃν οἱ βασιλεῖσ συμφρονήσαντεσ κοινῇ διαπολεμεῖν ἤρξαντο πρὸσ Ἀντίγονον τὸν Φιλίππου, περιλαβόντεσ ἔτη ἐννέα.
이 저작물은 크리에이티브 커먼즈 저작자표시-비영리 4.0 국제 라이선스에 따라 이용할 수 있습니다.
bab2min@gmail.com
호흡부호 보기
강세부호 보기
장단부호 보기
작은 Iota 보기
모든 부호 보기