헬라어 문장 검색 - Διοδορ́Βιβλιοτ

(디오도로스 시켈로스, Bibliotheca Historica, Books XVIII-XX, book 20, chapter 1)

τοῖσ εἰσ τὰσ ἱστορίασ ὑπερμήκεισ δημηγορίασ παρεμβάλλουσιν ἢ πυκναῖσ χρωμένοισ ῥητορείαισ δικαίωσ ἄν τισ ἐπιτιμήσειεν· οὐ μόνον γὰρ τὸ συνεχὲσ τῆσ διηγήσεωσ διὰ τὴν ἀκαιρίαν τῶν ἐπεισαγομένων λόγων διασπῶσιν, ἀλλὰ καὶ τῶν φιλοτίμωσ ἐχόντων πρὸσ τὴν τῶν πράξεων ἐπίγνωσιν μεσολαβοῦσι τὴν ἐπιθυμίαν. καίτοι γε τοὺσ ἐπιδείκνυσθαι βουλομένουσ λόγου δύναμιν ἔξεστι κατ’ ἰδίαν δημηγορίασ καὶ πρεσβευτικοὺσ λόγουσ, ἔτι δὲ ἐγκώμια καὶ ψόγουσ καὶ τἄλλα τὰ τοιαῦτα συντάττεσθαι·

τῇ γὰρ οἰκονομίᾳ τῶν λόγων χρησάμενοι καὶ τὰσ ὑποθέσεισ χωρὶσ ἑκατέρασ ἐξεργασάμενοι κατὰ λόγον ἂν ἐν ἀμφοτέραισ ταῖσ πραγματείαισ εὐδοκιμοῖεν. νῦν δ’ ἔνιοι πλεονάσαντεσ ἐν τοῖσ ῥητορικοῖσ λόγοισ προσθήκην ἐποιήσαντο τὴν ὅλην ἱστορίαν τῆσ δημηγορίασ.

λυπεῖ δ’ οὐ μόνον τὸ κακῶσ γραφέν, ἀλλὰ καὶ τὸ δοκοῦν ἐν τοῖσ ἄλλοισ ἐπιτετεῦχθαι τόπων καὶ καιρῶν τῆσ οἰκείασ τάξεωσ διημαρτηκόσ. διὸ καὶ τῶν ἀναγινωσκόντων τὰσ τοιαύτασ πραγματείασ οἱ μὲν ὑπερβαίνουσι τὰσ ῥητορείασ, κἂν ὅλωσ ἐπιτετεῦχθαι δόξωσιν, οἱ δὲ διὰ τὸ μῆκοσ καὶ τὴν ἀκαιρίαν τοῦ συγγραφέωσ ἐκλυθέντεσ τὰσ ψυχὰσ τὸ παράπαν ἀφίστανται τῆσ ἀναγνώσεωσ, οὐκ ἀλόγωσ τοῦτο πάσχοντεσ·

τὸ γὰρ τῆσ ἱστορίασ γένοσ ἁπλοῦν ἐστι καὶ συμφυὲσ αὑτῷ καὶ τὸ σύνολον ἐμψύχῳ σώματι παραπλήσιον, οὗ τὸ μὲν ἐσπαραγμένον ἐστέρηται τῆσ ψυχικῆσ χάριτοσ, τὸ δὲ τὴν ἀναγκαίαν σύνθεσιν ἔχον εὐκαίρωσ τετήρηται καὶ τῷ συμφυεῖ τῆσ ὅλησ περιγραφῆσ ἐπιτερπῆ καὶ σαφῆ παρίστησι τὴν ἀνάγνωσιν.

MENU NAVIGATION

호흡부호 보기

강세부호 보기

장단부호 보기

작은 Iota 보기

모든 부호 보기

Ancient Greek Text

Diodorus Siculus, Bibliotheca Historica, Books XVIII-XX, book 20, chapter 1

(디오도로스 시켈로스, Bibliotheca Historica, Books XVIII-XX, book 20, chapter 1)

상위

목록

SEARCH

MENU NAVIGATION