Demosthenes, Speeches 21-30, Κατὰ Ἀριστογείτονοσ Α 20:

οἱ δὲ νόμοι τὸ δίκαιον καὶ τὸ καλὸν καὶ τὸ συμφέρον βούλονται, καὶ τοῦτο ζητοῦσιν, καὶ ἐπειδὰν εὑρεθῇ, κοινὸν τοῦτο πρόσταγμ’ ἀπεδείχθη, πᾶσιν ἴσον καὶ ὅμοιον, καὶ τοῦτ’ ἔστι νόμοσ. ᾧ πάντασ πείθεσθαι προσήκει διὰ πολλά, καὶ μάλισθ’ ὅτι πᾶσ ἐστι νόμοσ εὑρ́ημα μὲν καὶ δῶρον θεῶν, δόγμα δ’ ἀνθρώπων φρονίμων, ἐπανόρθωμα δὲ τῶν ἑκουσίων καὶ ἀκουσίων ἁμαρτημάτων, πόλεωσ δὲ συνθήκη κοινή, καθ’ ἣν πᾶσι προσήκει ζῆν τοῖσ ἐν τῇ πόλει.