Athenaeus, The Deipnosophists, Book 7, book 7, chapter 139

(아테나이오스, The Deipnosophists, Book 7, book 7, chapter 139)

ψῆτται. ταύτασ Διοκλῆσ ἐν τοῖσ ξηροτέροισ καταριθμεῖται. Σπεύσιπποσ δ’ ἐν β’ Ὁμοίων παραπλήσιά φησιν εἶναι ψῆτταν, βούγλωσσον, ταινίαν. Ἀριστοτέλησ δ’ ἐν ε’ ζῴων μορίων γράφει· "ὁμοίωσ δὲ καὶ τῶν ἰχθύων οἱ πλεῖστοι ἅπαξ τίκτουσιν, οἱο͂ν οἱ χυτοὶ οἱ τῷ δικτύῳ περιεχόμενοι, χρόμισ, ψῆττα, θύννοσ, πηλαμύσ, κεστρεύσ, χαλκίδεσ καὶ τὰ τοιαῦτα. "σελάχη, φησί, βοῦσ, τρυγών, νάρκη, βατίσ, βάτραχοσ, βούγλωττοσ, ψῆττα, μῦσ.

Δωρίων δὲ ἐν τῷ περὶ ἰχθύων γράφει· "τῶν δὲ πλατέων βούγλωττον, ψῆτταν, ἔσχαρον, ὃν καλοῦσι καὶ κόριν. βουγλώσσουσ δ’ ὀνομάζει καὶ Ἐπίχαρμοσ ἐν Ἥβασ γάμῳ ὑαινίδεσ τε βούγλωσσοί τε καὶ κίθαροσ. Λυγκεὺσ δ’ ὁ Σάμιοσ ἐν ἐπιστολαῖσ τὰσ καλλίστασ γίνεσθαί φησι ψήττασ περὶ Ἐλευσῖνα τῆσ Ἀττικῆσ. Ἀρχέστρατοσ δέ φησιν εἶτα λαβεῖν ψῆτταν μεγάλην καὶ τὴν ὑπότρηχυν βούγλωσσον, ταύτην δὲ θέρευσ, περὶ Χαλκίδα κεδνήν. Ῥωμαῖοι δὲ καλοῦσι τὴν ψῆτταν ῥόμβον, καί ἐστι τὸ ὄνομα Ἑλληνικόν. Ναυσικράτησ ἐν Ναυκλήροισ· προειπὼν δὲ περὶ γλαύκου τοῦ ἰχθύοσ ἐπιφέρει·

αἱ ξανθοχρῶτεσ, ἃσ κλύδων Αἰξωνικὸσ πασῶν ἀρίστασ ἐντόπουσ παιδεύεται· αἷσ καὶ θεὰν τιμῶσι φωσφόρον κόρην, δείπνων ὅταν πέμπωσι δῶρα ναυτίλοι. β. τρίγλαν λέγεισ γαλακτοχρῶτα Σικελὸσ ὃν πήγνυσοχλοσ ῥόμβοσ.

상위

The Deipnosophists, Book 7

목록

SEARCH

MENU NAVIGATION