Athenaeus, The Deipnosophists, Book 7, book 7, chapter 137

(아테나이오스, The Deipnosophists, Book 7, book 7, chapter 137)

χαλκίδεσ καὶ τὰ ὅμοια, θρίσσαι, τριχίδεσ, ἐρίτιμοι. "αἱ λεγόμεναι χαλκίδεσ καὶ οἱ τράγοι καὶ αἱ ῥαφίδεσ καὶ αἱ θρίσσαι ἀχυρώδεισ καὶ ἀλιπεῖσ καὶ ἄχυλοι. Ἐπίχαρμοσ δ’ ἐν Ἥβασ γάμῳ· χαλκίδεσ θ’ ὑέσ τε ἱέρακέσ τε χὠ πίων κύων. Δωρίων δὲ χαλκιδικὰσ αὐτὰσ ὀνομάζει. Νουμήνιοσ δέ φησι· σὺ δ’ ἂν καὶ χαλκίδ’ ἐκείνῃ αὕτωσ ἀμπείραισ ὀλίγην καὶ μαινίδα. διαφέρει δὲ τῆσ χαλκίδοσ ὁ χαλκεύσ, οὗ μνημονεύει Ἡρακλείδησ ἐν Ὀψαρτυτικῷ καὶ Εὐθύδημοσ ἐν τῷ περὶ ταρίχων λέγων αὐτοὺσ γίνεσθαι ἐν τῇ Κυζικηνῶν χώρᾳ περιφερεῖσ τε εἶναι καὶ κυκλοειδεῖσ. θρισσῶν δὲ μέμνηται Ἀριστοτέλησ ἐν τῷ περὶ ζῴων καὶ ἰχθύων ἐν τούτοισ · "μόνιμα θρίσσα, ἐγκρασίχολοσ, μεμβράσ, κορακῖνοσ, ἐρυθρῖνοσ, τριχίσ. τριχίδων δὲ Εὔπολισ ἐν Κόλαξιν ἐκεῖνοσ ἦν φειδωλόσ, ὃσ ἐπὶ τοῦ βίου πρὸ τοῦ πολέμου μὲν τριχίδασ ὠψώνησ1’ ἅπαξ, ὅτε τἀν Σάμῳ δ’ ἦν, ἡμιωβελίου κρέα.

Ἀριστοφάνησ Ἱππεῦσι· αἱ τριχίδεσ εἰ γενοίαθ’ ἑκατὸν τοὐβολοῦ. Δωρίων δ’ ἐν τῷ περὶ ἰχθύων καὶ τῆσ ποταμίασ μέμνηται θρίσσησ καὶ τὴν τριχίδα τριχίαν ὀνομάζει. Νικοχάρησ Λημνίαισ· τριχίασ δὲ καὶ τὰσ πρημνάδασ τὰσ θυννίδασ ἐπὶ δεῖπνον ἡκούσασ ὑπερπληθεῖσ πρημνάδασ δὲ τὰσ θυννίδασ ἔλεγον. Πλάτων Εὐρώπῃ ·

ἁλιευόμενόσ ποτ’ αὐτὸν εἷλον ἀνδράχνῃ μετὰ πρημνάδων κἄπειτ’ ἀφῆχ’ ὅτι ἦν βόαξ. ὁμοίωσ δὲ καὶ Ἀριστοτέλησ ἐν πέμπτῳ ζῴων μορίων ἐν δὲ τῷ ἐπιγραφομένῳ περὶ ζωικῶν τριχίδα. τῶν δὲ λεγομένων ἐσθ’ ὅτι ἥδεται ὀρχήσει καὶ ᾠδῇ καὶ ἀκούσασα ἀναπηδᾷ ἐκ τῆσ θαλάσσησ, τῶν δ’ ἐριτίμων μέμνηται Δωρίων ἐν τῷ περὶ ἰχθύων λέγων κατὰ τὸ αὐτὸ ποιεῖν ταῖσ χαλκίσιν, ἡδεῖσ δ’ εἶναι τὰσ ἐν ὑποτρίμματι. "γαλῆν, σμαρίδα, ἢν ἔνιοι καλοῦσι κυνὸσ εὐναί, χαλκίδασ, ἃσ καλοῦσι καὶ σαρδίνουσ, ἐριτίμουσ, ἱέρακα, χελιδόνα. Ἀριστοτέλησ δ’ ἐν πέμπτῳ ζῴων ἱστορίασ σαρδίνουσ αὐτὰσ καλεῖ.

Καλλίμαχοσ δ’ ἐν ἐθνικαῖσ ὀνομασίαισ γράφει οὕτωσ· "ἐγκρασίχολοσ, ἐρίτιμοσ Χαλκηδόνιοι. "τριχίδια, χαλκίσ, ἴκταρ, ἀθερίνη Ἀθηναῖοι. "ὄζαινα, ὀσμύλιον Θούριοι, ἰώπεσ, ἐρίτιμοι Ἀθηναῖοι. τῶν δὲ ἰώπων μνημονεύει Νίκανδροσ ἐν β’ Οἰταικῶν· ὡσ δ’ ὁπότ’ ἀμφ’ ἀγέλῃσι νεηγενέεσσιν ἰώπων ἢ φάγροι ἢ σκῶπεσ ἀρείονεσ ἠὲ καὶ ὀρφόσ. Ἀριστοφάνησ δ’ ἐν Ὁλκάσιν ὦ κακοδαίμων ὅστισ ἐν ἅλμῃ πρῶτον τριχίδων ἀπεβάφθη.

τοὺσ γὰρ εἰσ τὸ ἀπανθρακίζειν ἐπιτηδείουσ ἰχθῦσ εἰσ ἅλμην ἀπέβαπτον ἣν καὶ Θασίαν ἐκάλουν ἅλμην. ὡσ καὶ ἐν Σφηξὶν ὁ αὐτόσ φησιν ποιητήσ ι καὶ γὰρ πρότερον δὶσ ἀνθρακίδων ἅλμην πιών.

상위

The Deipnosophists, Book 7

목록

SEARCH

MENU NAVIGATION