Athenaeus, The Deipnosophists, Book 7, book 7, chapter 130

(아테나이오스, The Deipnosophists, Book 7, book 7, chapter 130)

Τευθὶσ. Ἀριστοτέλησ εἶναί φησι καὶ ταύτην τῶν συναγελαζομένων ἔχειν τε τὰ πλεῖστα τῆσ σηπίασ, τὸν τῶν ποδῶν ἀριθμόν, τὰσ προβοσκίδασ. τῶν δὲ ταύτησ ποδῶν οἱ μὲν κάτω μικροὶ εἰσιν, οἱ δ’ ἄνω μείζουσ· καὶ τῶν προβοσκίδων ἡ δεξιὰ παχυτέρα, καὶ τὸ ὅλον σωμάτιον τρυφερὸν καὶ ὑπομηκέστερον. ἔχει δὲ καὶ θολὸν ἐν τῇ μύτιδι οὐ μέλανα ἀλλ’ ὠχρὸν καὶ τὸ ὄστρακον μικρὸν λίαν καὶ χονδρῶδεσ. τεῦθοσ. ὁ δὲ τεῦθοσ μόνῳ τούτῳ διαφέρει, τῷ μεγέθει· γίνεται δὲ καὶ τριῶν σπιθαμῶν, τὸ δὲ χρῶμά ἐστιν ὑπέρυθροσ καὶ τῶν ὀδόντων τὸν μὲν κάτω ἐλάττονα ἔχει, τὸν δὲ ἄνω μείζονα, ἄμφω δὲ μέλανασ καὶ ὁμοίουσ ῥύγχει ἱέρακοσ. ἀναπτυχθεὶσ δὲ κοιλίαν ἔχει ὁμοίαν ταῖσ ὑείαισ.

ἐν δὲ ε’ μορίων βραχύβιά φησιν εἶναι τὸν τεῦθον καὶ τὴν σηπίαν, Ἀρχέστρατοσ δ’ ὁ πᾶσαν γῆν καὶ θάλασσαν διὰ γαστριμαργίαν περιελθών φησι· τευθίδεσ ἐν Δίῳ τῷ Πιερικῷ παρὰ χεῦμα Βαφύρα· καὶ ἐν Ἀμβρακίᾳ παμπληθέασ ὄψει. Ἄλεξισ δὲ ἐν Ἐρετρικῷ τάδε ποιεῖ λέγοντα μάγειρον τευθίδεσ, σπίναι, βατίσ, χῆμοσ, ἀφύαι, κρεᾴδι’, ἐντερίδια· ἀλλὰ τὰσ μὲν τευθίδασ, τὰ πτερύγι’ αὐτῶν συντεμών, στεατίου μικρὸν παραμίξασ, περιπάσασ ἡδύσμασι λεπτοῖσι χλωροῖσ ὠνθύλευσα.

καὶ πέμμα δέ τι τευθίδα ὀνομάζειν Ιἀτροκλέα ἐν Ἀρτοποιικῷ φησι Πάμφιλοσ.

상위

The Deipnosophists, Book 7

목록

SEARCH

MENU NAVIGATION