Athenaeus, The Deipnosophists, Book 7, book 7, chapter 127

(아테나이오스, The Deipnosophists, Book 7, book 7, chapter 127)

ἐὰν δ’ ἐναποπνιγῇ τρίγλη ζῶσα ἐν οἴνῳ καὶ τοῦτο ἀνήρ πίῃ, ἀφροδισιάζειν οὐ δυνήσεται, ὡσ Τερψικλῆσ ἱστορεῖ ἐν τῷ περὶ ἀφροδισίων, κἂν γυνὴ δὲ πίῃ τοῦ αὐτοῦ οἴνου, οὐ κυίσκεται. ὁμοίωσ δὲ οὐδὲ ὄρνισ, ὁ δὲ πολυίστωρ Ἀρχέστρατοσ ἐπαινέσασ τὰσ κατὰ Τειχιοῦντα τῆσ Μιλησίασ τρίγλασ ἑξῆσ φησι· κἀν Θάσῳ ὀψώνει τρίγλην κου’ χείρονα λήψῃ ταύτησ· ἐν δὲ Τέῳ χείρω, κεδνὴ δὲ καὶ αὐτή· ἐν δ’ Ἐρυθραῖσ ἀγαθὴ θηρεύεται αἰγιαλῖτισ. Κρατῖνοσ δ’ ἐν Τροφωνίῳ φησὶν οὐδ’ Αἰξωνίδ’ ἐρυθρόχρων ἐσθίειν ἔτι τρίγλην οὐδὲ τρυγόνοσ οὐδὲ δεινοῦ φυὴν μελανούρου. Ναυσικράτησ δ’ ὁ κωμῳδιοποιὸσ ἐπαινεῖ τὰσ Αἰξωνικὰσ τρίγλασ ἐν Ναυκλήροισ λέγων οὕτωσ· μετ’ αὐτῶν δ’ εἰσὶν ἐκπρεπεῖσ φύσιν αἱ ξανθοχρῶτεσ, αἷσ κλύδων Αἰξωνικὸσ πασῶν ἀρίστασ ἐντόπουσ παιδεύεται· αἷσ καὶ θεὰν τιμῶσι φωσφόρον κόρην, δείπνων ὅταν πέμπωσι δῶρα ναυτίλοι.

β. τρίγλασ λέγεισ.

상위

The Deipnosophists, Book 7

목록

SEARCH

MENU NAVIGATION