Ancient Greek Text

Athenaeus, The Deipnosophists, Book 7, book 7, chapter 118

(아테나이오스, The Deipnosophists, Book 7, book 7, chapter 118)

Σάλπη. Ἐπίχαρμοσ Ἥβασ γάμῳ· ἀόνεσ φάγροι τε λάβρακέσ τε καὶ τὸ πίονεσ σκατοφάγοι σάλπαι βδελυχραί, ἁδέαι δ’ ἐν τῷ θέρει. Ἀριστοτέλησ δ’ ἐν πέμπτῳ μορίων ἅπαξ τίκτειν φησὶν αὐτὴν τοῦ μετοπώρου. ἐστὶ δὲ πολύγραμμοσ καὶ ἐρυθρόγραμμοσ, ἔτι δὲ καρχαρόδουσ καὶ μονήρησ, λέγεσθαι δὲ καὶ ὑπὸ τῶν ἁλιέων φησὶν ὡσ καὶ κολοκύντῃ θηρεύεται χαίρουσα τῷ βρώματι. Ἀρχέστρατοσ δέ φησιν σάλπην δὲ κακὸν μὲν ἔγωγε ἰχθὺν εἰσ ἀεὶ κρίνω βρωτὴ δὲ μάλιστα ἐστὶ θεριζομένου σίτου, λαβὲ δ’ ἐν Μυτιλήνῃ αὐτήν. Παγκράτησ δ’ ἐν ἔργοισ θαλασσίοισ· σάλπαι τ’ ἰσομήκεεσ ἰχθῦσ, ἅσ τε βόασ πορκῆεσ ἁλίζωοι καλέουσιν, οὕνεκα γαστέρι φῦκοσ ἀεὶ ἀλέουσιν ὀδοῦσιν.

ἐστὶ δὲ ποικίλοσ ὁ ἰχθύσ, ὅθεν καὶ τὸν Λοκρὸν ἢ Κολοφώνιον Μνασέαν συνταξάμενον τὰ ἐπιγραφόμενα παίγνια διὰ τὸ ποικίλον τῆσ συναγωγῆσ Σάλπην οἱ συνήθεισ προσηγόρευον. Νυμφόδωροσ δὲ ὁ Συρακόσιοσ ἐν τῷ τῆσ Ἀσίασ Περίπλῳ Λεσβίαν φησὶ γενέσθαι Σάλπην τὴν τὰ παίγνια συνθεῖσαν. ἄλκιμοσ δ’ ἐν τοῖσ Σικελικοῖσ ἐν Μεσσήνῃ φησὶ τῇ κατὰ τὴν νῆσον Βότρυν γενέσθαι εὑρετὴν τῶν παραπλησίων παιγνίων τοῖσ προσαγορευομένοισ Σάλπησ.

Ἄρχιπποσ δὲ ἐν Ἰχθύσιν ἀρσενικῶσ εἴρηκεν ὁ σάλπησ · ἐκήρυξεν βόαξ, σάλπησ δ’ ἐσάλπιγξ’ ἕπτ’ ὀβολοὺσ μισθὸν φέρων. συνόδοντεσ καὶ Συναγρίσ.

καὶ τούτων Ἐπίχαρμοσ μέμνηται·