Athenaeus, The Deipnosophists, Book 7, book 7, chapter 110

(아테나이오스, The Deipnosophists, Book 7, book 7, chapter 110)

πέρκαι. τούτων μέμνηται Διοκλῆσ καὶ Σπεύσιπποσ ἐν δευτέρῳ Ὁμοίων, παραπλησίασ εἶναι λέγων πέρκην, χάνναν, φυκίδα. Ἐπίχαρμοσ δέ φησι· κομαρίδασ τε καὶ κύνασ, κέστρασ τε πέρκασ τ’ αἰόλασ. Νουμήνιοσ δ’ ἐν Ἁλιευτικῷ· ἄλλοτε δ’ αὖ πέρκασ, ὁτὲ δὲ στροφάδασ παρά πέτρην φυκίδασ ἀλφηστήν τε καὶ ἐν χροιῇσιν ἐρυθρὸν σκορπίον. πέρκη. καὶ ταύτησ Ἐπίχαρμοσ ἐν Ἥβασ γάμῳ μέμνηται καὶ Σπεύσιπποσ ἐν β’ τῶν Ὁμοίων καὶ Νουμήνιοσ, ὧν τὰ μαρτύρια πρόκειται. Ἀριστοτέλησ ἐν τῷ περὶ ζωικῶν ἀκανθοστεφῆ φησιν εἶναι καὶ ποικιλόχροα φυκίδα. τῶν δὲ γραμμοποικίλων πλαγίαισ τε ταῖσ ῥάβδοισ κεχρημένων πέρκη. "ἕπεται πέρκη μελανούρῳ" ῥαφίδεσ.

상위

The Deipnosophists, Book 7

목록

SEARCH

MENU NAVIGATION