Athenaeus, The Deipnosophists, Book 7, book 7, chapter 107

(아테나이오스, The Deipnosophists, Book 7, book 7, chapter 107)

εἴδη δ’ ἐστὶ πολυπόδων ἑλεδώνη, πολυποδίνη, βολβιτίνη, ὀσμύλοσ, ὡσ Ἀριστοτέλησ ἱστορεῖ καὶ Σπεύσιπποσ. ἐν δὲ τῷ περὶ ζωικῶν Ἀριστοτέλησ μαλάκιά φησιν εἶναι πουλύποδασ, ὀσμύλην, ἑλεδώνην, σηπίαν, τευθίδα· Ἐπίχαρμοσ δ’ ἐν Ἥβασ γάμῳ· πώλυποί τε σηπίαι τε καὶ ποταναὶ τευθίδεσ χἀ δυσώδησ βολβιτὶσ γραῖαί τ’ ἐριθακώδεεσ. Ἀρχέστρατοσ δέ φησι· σελάχια δὲ τὰ τῶν ῥινῶν φῦλα. πούλυποι ἔν τε Θάσῳ καὶ Καρίᾳ εἰσὶν ἄριστοι· καὶ Κέρκυρα τρέφει μεγάλουσ πολλοὺσ τε τὸ πλῆθοσ. Δωριεῖσ δ’ αὐτὸν διὰ τοῦ ω καλοῦσι πώλυπον, ὡσ Ἐπίχαρμοσ. καὶ Σιμωνίδησ δ’ ἔφη· "πώλυπον διζήμενοσ. Ἀττικοὶ δὲ πουλύπουν ἐστὶ δὲ τῶν σελαχωδῶν τὰ χονδρώδη δ’ οὕτω λέγεται· πουλύποδεσ, γαλεοί τε κύνεσ. μαλάκια δὲ καλεῖται τὰ τευθιδώδη.

상위

The Deipnosophists, Book 7

목록

SEARCH

MENU NAVIGATION