Athenaeus, The Deipnosophists, Book 7, book 7, chapter 106

(아테나이오스, The Deipnosophists, Book 7, book 7, chapter 106)

εἰσ τὸν ναυτίλον τοῦτον φέρεταί τι Καλλιμάχου τοῦ Κυρηναίου ἐπίγραμμα οὕτωσ ἔχον κόγχοσ ἐγώ, Ζεφυρῖτι, πάλαι τέρασ. ἀλλὰ σὺ νῦν με, Κύπρι, Σεληναίησ ἄνθεμα πρῶτον ἔχεισ, ναυτίλον ὃσ πελάγεσσιν ἐπέπλεον, εἰ μὲν ἀῆται, τείνασ οἰκείων λαῖφοσ ἀπὸ προτόνων, εἰ δὲ Γαληναίη, λιπαρὴ θεόσ, οὖλοσ ἐρέσσων ποσσί νιν, ὥστ’ ἔργῳ τοὔνομα συμφέρεται, ἔστ’ ἔπεσον παρὰ θῖνασ Ιοὐλίδασ, ὄφρα γένωμαι σοὶ τὸ περίσκεπτον παίγνιον, Ἀρσινόη, μηδέ μοι ἐν θαλάμῃσιν ἔθ’, ὡσ πάροσ εἰμὶ γὰρ ἄπνουσ, τίκτηται νοτερῆσ ὠεόν ἁλκυόνησ. Κλεινίου ἀλλὰ θυγατρὶ δίδου χάριν οἶδε γὰρ ἐσθλὰ ῥέζειν καὶ Σμύρνησ ἐστὶν ἀπ’ Αἰολίδοσ. ἔγραψε δὲ καὶ Ποσείδιπποσ εἰσ τὴν ἐν τῷ Ζεφυρίῳ τιμωμένην ταύτην Ἀφροδίτην τόδε τὸ ἐπίγραμμα·

τοῦτο καὶ ἐν πόντῳ καὶ ἐπὶ χθονὶ τῆσ Φιλαδέλφου Κύπριδοσ ἱλάσκεσθ’ ἱερὸν Ἀρσινόησ, ἣν ἀνακοιρανέουσαν ἐπὶ Ζεφυρίτιδοσ ἀκτῆσ πρῶτοσ ὁ ναύαρχοσ θήκατο Καλλικράτησ. ἐν Φοίνικι λέγων καὶ τὸν πετραῖον πλεκτάναισ ἀναίμοσι στυγῶ μεταλλακτῆρα πουλύπουν χροόσ.

상위

The Deipnosophists, Book 7

목록

SEARCH

MENU NAVIGATION