Athenaeus, The Deipnosophists, Book 7, book 7, chapter 97

(아테나이오스, The Deipnosophists, Book 7, book 7, chapter 97)

ὀρφῶσ. καλεῖται δὲ καὶ ὀρφόσ, ὡσ Πάμφιλοσ. Ἀριστοτέλησ δ’ ἐν πέμπτῳ ζῴων μορίων ταχεῖαν λέγων γίνεσθαι τοῖσ ἰχθύσι τὴν αὔξησιν, καὶ ὀρφώσ, φησίν ἐκ μικροῦ γίνεται μέγασ ταχέωσ, ἐστὶ δὲ καὶ σαρκοφάγοσ καὶ καρχαρόδουσ, ἔτι δὲ καὶ μονήρησ, ἴδιον δ’ ἐν αὐτῷ ἐστι τὸ τοὺσ θορικοὺσ πόρουσ μὴ εὑρίσκεσθαι καὶ τὸ δύνασθαι πολὺν χρόνον ζῆν μετὰ τὴν ἀνατομήν. ἐστὶ δὲ καὶ τῶν φωλευόντων ἐν ταῖσ χειμεριωτάταισ ἡμέραισ χαίρει τε πρόσγειοσ μᾶλλον ὢν ἢ πελάγιοσ. ζῇ δ’ οὐ πλέον δύο ἐτῶν. μνημονεύων δ’ αὐτοῦ Νουμήνιόσ φησι· τοῖσί κεν εὐμαρέωσ θαλάμησ ἄπο μακρὸν ἀείροισ σκορπίον ἢ ὀρφὸν περιτρηχέα· τῶν γάρ ἐπ’ ἄκρησ καὶ πάλιν γλαύκουσ ἢ ὀρφῶν ἔναλον γένοσ ἠὲ μελάγχρουν κόσσυφον. Δωρίων δὲ τὸν νέον φησὶν ὀρφὸν ὑπ’ ἐνίων καλεῖσθαι ὀρφακίνην. Ἄρχιπποσ δ’ ἐν Ἰχθύσιν ἱερεὺσ γὰρ ἦλθ’ αὐτοῖσιν ὀρφώσ του θεῶν. Κρατῖνοσ δ’ Ὀδυσσεῦσι· τέμαχοσ ὀρφὼ χλιαρόν. Πλάτων Κλεοφῶντι· σὲ γάρ, γραῦ, συγκατῴκισεν σαπρὰν ὀρφῷσι σελαχίοισ τε καὶ φάγροισ βοράν.

Ἀριστοφάνησ Σφηξὶν ἢν μὲν ὠνῆταί τισ ὀρφώσ, μεμβράδασ δὲ μὴ ’θέλῃ. τὴν μέντοι ἑνικὴν εὐθεῖαν ὀξυτόνωσ προφέρονται Ἀττικοί. Ἄρχιπποσ Ἰχθύσιν, ὡσ πρόκειται, τὴν δὲ γενικὴν Κρατῖνοσ Ὀδυσσεῦσι· "τέμαχοσ ὀρφὼ χλιαρόν.

상위

The Deipnosophists, Book 7

목록

SEARCH

MENU NAVIGATION