Athenaeus, The Deipnosophists, Book 7, book 7, chapter 90

(아테나이오스, The Deipnosophists, Book 7, book 7, chapter 90)

μύραιναι. Θεόφραστοσ ἐν τῷ περὶ τῶν ἐν τῷ ξηρῷ διαιτωμένων ἔγχελύν φησιν καὶ μύραιναν πολὺν χρόνον δύνασθαι ἔξω τοῦ ὑγροῦ ζῆν διὰ τὸ μικρὰ ἔχειν βράγχια καὶ ὀλίγον δέχεσθαι τὸ ὑγρόν. τροφίμουσ δ’ αὐτὰσ εἶναί φησιν ὁ Ἱκέσιοσ οὐχ ἧττον τῶν ἐγχέλεων, ἀλλὰ καὶ τῶν γόγγρων. Ἀριστοτέλησ δὲ ἐν δευτέρῳ ζῴων μορίων ἐκ μικροῦ φησιν αὐτὴν ταχεῖαν τὴν αὔξησιν λαμβάνειν καὶ εἶναι καρχαρόδουν τίκτειν τε πᾶσαν ὡρ́αν μικρὰ ᾠά. Ἐπίχαρμοσ δ’ ἐν Μούσαισ χωρὶσ τοῦ σ μυραίνασ αὐτὰσ καλεῖ οὑτωσὶ λέγων οὔτε οἱ γόγγρων τι παχέων οὔτε μυραινᾶν ἀπῆσ. ὁμοίωσ δὲ καὶ Σώφρων. Πλάτων δ’ ἢ Κάνθαροσ ἐν τῇ Συμμαχίᾳ σὺν τῷ σ· βατίσ τε καὶ σμύραινα πρόσεστιν. Δωρίων δ’ ἐν τῷ περὶ ἰχθύων τὴν ποταμίαν φησὶ μύραιναν ἔχειν μίαν ἄκανθαν μόνην, ὁμοίαν τῷ ὀνίσκῳ τῷ καλουμένῳ γαλλαρίᾳ.

Ἀνδρέασ δ’ ἐν τῷ περὶ δακέτων τῶν μυραινῶν φησιν δακούσασ ἀναιρεῖν τὰσ ἐξ ἔχεωσ, εἶναι δ’ αὐτὰσ ἧττον καὶ περιφερεῖσ καὶ ποικίλασ. Νίκανδροσ δ’ ἐν Θηριακοῖσ, μυραίνησ δ’ ἔκπαγλον, ἐπεὶ μογεροὺσ ἁλιῆασ πολλάκισ ἐμβρύξασα κατεπρήνιξεν ἐπάκτρων εἰσ ἅλα φυζηθέντασ, ἐχετλίου ἐξαναδῦσα· εἰ ἔτυμον κείνην γε σὺν οὐλοβόροισ ἐχίεσσι θόρνυσθαι, προλιποῦσαν ἁλὸσ νόμον, ἠπείροισιν. Ἀνδρέασ δ’ ἐν τῷ περὶ τῶν ψευδῶσ πεπιστευμένων ψεῦδόσ φησιν εἶναι τὸ μύραιναν ἔχει μίγνυσθαι προερχομένην ἐπὶ τὸ τεναγῶδεσ·

οὐδὲ γὰρ ἐπὶ τενάγουσ ἔχεισ νέμεσθαι, φιληδοῦντασ ἀμμώδεσιν ἐρημίαισ. Σώστρατοσ δὲ ἐν τοῖσ περὶ ζῴων ἐστὶ δὲ δύο ταῦτα βιβλία συγκατατίθεται τῇ μίξει.

상위

The Deipnosophists, Book 7

목록

일치하는 문장이 없습니다.

SEARCH

MENU NAVIGATION