Athenaeus, The Deipnosophists, Book 7, book 7, chapter 87

(아테나이오스, The Deipnosophists, Book 7, book 7, chapter 87)

καὶ Ἀριστοφάνησ δ’ ἐν Ἱππεῦσι μνημονεύει ὡσ διαφόρων γινομένων τῶν περὶ τὴν Μίλητον λαβράκων, ὅταν οὕτωσ λέγῃ ἀλλ’ οὐ λάβρακασ καταφαγὼν Μιλησίουσ κλονήσεισ. ἐν δὲ Λημνίαισ, ου’ κρανίον λάβρακοσ, οὐχὶ κάραβον πρίασθαι, ὡσ διαφόρου ὄντοσ τοῦ τῶν λαβράκων ἐγκεφάλου καθάπερ καὶ τοῦ τῶν γλαύκων, καὶ Εὔβουλοσ δ’ ἐν Τιτθαῖσ φησι· μὴ πολυτελῶσ, ἀλλὰ καθαρείωσ· ὅ τι ἂν ᾖ ὁσίασ ἕνεκα, σηπίδια ἢ τευθίδια πλεκτάνια μικρά πουλύποδοσ, νῆστίν τινα, μήτραν, χόρια, πῦον, λάβρακοσ κρανίον εὐμέγεθεσ. ὁ δὲ Γαίσων οὗ Ἀρχέστρατοσ μνημονεύει ἡ Γαισωνὶσ λίμνη ἐστὶ μεταξὺ Πριήνησ καὶ Μιλήτου ἡνωμένη τῇ θαλάσσῃ, ὡσ Νεάνθησ ὁ Κυζικηνὸσ ἱστορεῖ ἐν τῇ σ’ τῶν Ἑλληνικῶν. Ἔφοροσ δ’ ἐν τῇ πέμπτῃ ποταμὸν εἶναί φησι τὸν Γαίσωνα περὶ Πριήνην, ὃν εἰσρεῖν εἰσ λίμνην. Ἄρχιπποσ ἐν Ἰχθύσι μνημονεύων τῶν λαβράκων φησὶν Αἰγύπτιοσ μιαρώτατοσ τῶν ἰχθύων κάπηλοσ, Ἕρμαιοσ, ὃσ βίᾳ δέρων ῥίνασ γαλεούσ τε πωλεῖ καὶ τοὺσ λάβρακασ ἐντερεύων.

상위

The Deipnosophists, Book 7

목록

SEARCH

MENU NAVIGATION