Athenaeus, The Deipnosophists, Book 7, book 7, chapter 86

(아테나이오스, The Deipnosophists, Book 7, book 7, chapter 86)

λάβρακεσ. οὗτοι, ὡσ Ἀριστοτέλησ ἱστορεῖ, μονήρεισ εἰσὶ καὶ σαρκοφάγοι, γλῶσσαν δ’ ἔχουσιν ὀστώδη καὶ προσπεφυκυῖαν, καρδίαν τρίγωνον ἐν δὲ πέμπτῳ ζῴων μορίων τίκτειν αὐτοὺσ καθάπερ τοὺσ κεστρεῖσ καὶ χρυσόφρυασ μάλιστ’ οὗ ἂν ποταμοὶ ῥέωσι. τίκτουσι δὲ χειμῶνοσ καὶ τίκτουσι δίσ, Ἱκέσιοσ δέ φησιν ὅτι οἱ λάβρακεσ εὔχυλοί εἰσι καὶ οὐ πολύτροφοι, πρὸσ δὲ τὴν ἔκκρισιν ἥσσονεσ, εὐστομίᾳ δὲ πρῶτοι κρίνονται, ὠνομάσθη δ’ ὁ ἰχθὺσ παρὰ τὴν λαβρότητα. λέγεται δὲ ὅτι καὶ συνέσει τῶν ἄλλων ἰχθύων διαφέρει, ἐπινοητικὸσ ὢν τοῦ διασῴζειν ἑαυτόν, διὸ καὶ ὁ κωμῳδιοποιὸσ Ἀριστοφάνησ φησί· λάβραξ ὁ πάντων ἰχθύων σοφώτατοσ.

Ἀλκαῖοσ δ’ ὁ μελοποιὸσ μετέωρόν φησιν αὐτὸν νήχεσθαι. ὁ δὲ σοφὸσ Ἀρχέστρατοσ· λάμβανε δ’ ἐκ Γαίσωνοσ ὅταν Μίλητον ἵκηαι, κεστρέα τὸν κέφαλον καὶ τὸν θεόπαιδα λάβρακα. εἰσὶ γὰρἐνθάδ’ ἄριστοι· ὁ γὰρ τόποσ ἐστὶ τοιοῦτοσ. πιότεροι δ’ ἕτεροι πολλοὶ Καλυδῶνί τε κλεινῇ Ἀμβρακίᾳ τ’ ἐνὶ πλουτοφόρῳ Βόλβῃ τ’ ἐνὶ λίμνῃ· ἀλλ’ οὐκ εὐώδη γαστρὸσ κέκτηνται ἀλοιφὴν οὐδ’ οὕτω δριμεῖαν.

ἐκεῖνοι δ’ εἰσίν, ἑταῖρε, τὴν ἀρετὴν θαυμαστοί. ὅλουσ δ’ αὐτοὺσ ἀλεπίστουσ ὀπτήσασ μαλακῶσ γλίσχρησ προσένεγκε δίχ’ ἅλμησ. μηδὲ προσέλθῃ σοί περὶ τοὔψον τοῦτο πονοῦντι μήτε Συρακόσιοσ μηδεὶσ μήτ’ Ἰταλιώτησ. ἀλλὰ διαφθείρουσι κακῶσ τυροῦντεσ ἅπαντα ὄξει τε ῥαίνοντεσ ὑγρῷ καὶ σιλφίου ἅλμῃ.

τῶν δὲ πετραίων ἰχθυδίων τῶν τρισκαταράτων πάντων εἰσὶν ἄριστοι ἐπισταμένωσ διαθεῖναι καὶ πολλὰσ ἰδέασ κομψῶσ παρὰ δαιτὶ δύνανται ὀψαρίων τεύχειν γλίσχρων ἡδυσματολήρων.

상위

The Deipnosophists, Book 7

목록

SEARCH

MENU NAVIGATION