Athenaeus, The Deipnosophists, Book 7, book 7, chapter 77

(아테나이오스, The Deipnosophists, Book 7, book 7, chapter 77)

κεστρεύσ. ἱκέσιόσ φησι· "τῶν δὲ καλουμένων λευκίσκων πλέονά ἐστιν εἴδη. "λέγονται γὰρ οἱ μὲν κέφαλοι, οἱ δὲ κεστρεῖσ, ἄλλοι δὲ χελλῶνεσ, οἱ δὲ μυξῖνοι. "ἄριστοι δ’ εἰσὶν οἱ κέφαλοι καὶ πρὸσ τὴν γεῦσιν καὶ πρὸσ τὴν εὐχυλίαν. "δεύτεροι δ’ εἰσὶ τούτων οἱ λεγόμενοι κεστρεῖσ, ἥσσονεσ δ’ οἱ μυξῖνοι· "καταδεέστεροι δὲ πάντων οἱ χελλῶνεσ οἱ δὲ λεγόμενοι βάκχοι εὔχυλοι εἰσι σφόδρα καὶ οὐ πολύτροφοι καὶ εὐέκκριτοι. Δωρίων δ’ ἐν τῷ περὶ ἰχθύων τῶν κεστρέων τὸν μὲν θαλάττιον ἐκτίθεται, τὸν δὲ ποτάμιον οὐ δοκιμάζει, εἴδη δὲ τοῦ θαλαττίου κέφαλον καὶ νῆστιν. τὸν δὲ κατὰ τῆσ κεφαλῆσ τοῦ κεστρέωσ ἐχῖνον σφόνδυλον ὀνομάζει διαφέρειν τέ φησι κεφάλου κεφαλῖνον, ὃν καὶ βλεψίαν καλεῖσθαι. "ἄρχονται μέν, φησί, κύειν τῶν κεστρέων οἱ μὲν χελλῶνεσ Ποσειδεῶνοσ μηνὸσ καὶ ὁ σαργὸσ καὶ ὁ μύξοσ καλούμενοσ καὶ ὁ κέφαλοσ·

"κύουσι δὲ τριάκοντα ἡμερῶν. ἔνιοι δὲ τῶν κεστρέων οὐ γίνονται ἐκ συνδυασμοῦ, ἀλλὰ φύονται ἐκ τῆσ ἰλύοσ καὶ τῆσ ἄμμου. ἐν δ’ ἄλλοισ φησὶν ὁΣ32 Ἀριστοτέλησ·

"ὁ κεστρεὺσ καρχαρόδουσ ὢν οὐκ ἀλληλοφαγεῖ, ἅτε δὴ οὐδ’ ὅλωσ σαρκοφαγῶν, ἐστὶ δὲ ὁ μέν τισ κέφαλοσ, ὁ δὲ χελλών, ὁ δὲ φεραῖοσ. "καὶ ὁ μὲν χελλὼν πρὸσ τῇ γῇ νέμεται, ὁ δὲ φεραῖοσ οὔ. καὶ τροφῇ χρῆται ὁ μὲν φεραῖοσ τῇ ἀφ’ αὑτοῦ γενομένῃ μύξῃ, ὁ δὲ χελλὼν ἄμμῳ καὶ ἰλύι. λέγεται δὲ καὶ ὅτι τὸν γόνον τῶν κεστρέων οὐδὲν τῶν θηρίων κατεσθίει, ἐπεὶ οὐδ’ οἱ κεστρεῖσ οὐδένα τῶν ἰχθύων. Εὐθύδημοσ δ’ ὁ Ἀθηναῖοσ ἐν τῷ περὶ ταρίχων εἴδη κεστρέων εἶναι κέφαλον καὶ σφηνέα καὶ δακτυλέα.

καὶ κεφάλουσ μὲν λέγεσθαι διὰ τὸ βαρυτέραν τὴν κεφαλὴν ἔχειν, σφηνέασ δὲ ὅτι λαγαροὶ καὶ τετράγωνοι, τὰ δὲ τῶν δακτυλέων τὸ πλάτοσ ἔχει ἔλασσον τῶν δυεῖν δακτύλων. θαυμαστοὶ δ’ εἰσὶ τῶν κεστρέων οἱ περὶ Ἄβδηρα ἁλισκόμενοι, ὡσ καὶ Ἀρχέστρατοσ εἴρηκε.

상위

The Deipnosophists, Book 7

목록

일치하는 문장이 없습니다.

SEARCH

MENU NAVIGATION