Athenaeus, The Deipnosophists, Book 7, book 7, chapter 68

(아테나이오스, The Deipnosophists, Book 7, book 7, chapter 68)

ἵππουροι. Ἀριστοτέλησ ἐν δευτέρῳ ζῴων μορίων τοὺσ ἱππούρουσ φησὶν ᾠὰ τίκτειν, καὶ ταῦτα ἐξ ἐλαχίστων μέγιστα γίνεσθαι, ὡσ καὶ τὰ τῆσ σμυραίνησ· τίκτειν δὲ ἐάροσ. Δωρίων δ’ ἐν τῷ περὶ ἰχθύων κορύφαιναν καλεῖσθαί φησι τὸν ἵππουρον. Ἱκέσιοσ δ’ ἱππουρεῖσ αὐτοὺσ προσαγορεύει, μνημονεύει δ’ αὐτῶν Ἐπίχαρμοσ ἐν Ἥβασ γάμῳ· κὠξύρυγχοι ῥαφίδεσ ἵππουροί τε καὶ χρυσόφρυεσ. Νουμήνιοσ δ’ ἐν Ἁλιευτικῷ τὴν φύσιν τοῦ ἰχθύοσ διηγούμενοσ συνεχέσ φησιν αὐτὸν ἐξάλλεσθαι, διὸ καὶ ἀρνευτὴν ὀνομάζεσθαι. λέγει δὲ οὕτω περὶ αὐτοῦ· ἠὲ μέγαν συνόδοντα ἢ ἀρνευτὴν ἵππουρον. Ἀρχέστρατοσ δέ φησιν ἵππουροσ δὲ Καρύστιόσ ἐστιν ἄριστοσ · ἄλλωσ τ’ εὐόψον σφόδρα χωρίον ἐστὶ Κάρυστοσ. Ἐπαίνετοσ δ’ ἐν Ὀψαρτυτικοῖσ κορύφαιναν αὐτόν φησιν ὀνομάζεσθαι.

상위

The Deipnosophists, Book 7

목록

SEARCH

MENU NAVIGATION