Athenaeus, The Deipnosophists, Book 7, book 7, chapter 67

(아테나이오스, The Deipnosophists, Book 7, book 7, chapter 67)

θυννίσ. τοῦ ἄρρενοσ ταύτην φησὶ διαφέρειν ὁ Ἀριστοτέλησ τῷ ἔχειν ὑπὸ τῇ γαστρὶ πτερύγιον, ὃ καλεῖσθαι ἀθέρα ἐν δὲ τῷ περὶ ζῴων μορίων διιστὰσ αὐτὴν τοῦ θύννου φησιν τοῦ θέρουσ τίκτειν περὶ τὸν Ἑκατομβαιῶνα θυλακοειδέσ, ἐν ᾧ πολλὰ γίνεσθαι μικρὰ ᾠά. καὶ Σπεύσιπποσ δ’ ἐν δευτέρῳ Ὁμοίων διίστησιν αὐτὰσ τῶν θύννων καὶ Ἐπίχαρμοσ ἐν Μούσαισ. Κρατῖνοσ δ’ ἐν Πλούτοισ φησὶν ἐγὼ γάρ εἰμι θυννὶσ ἡ μέλαινά σοι καὶ θύννοσ, ὀρφώσ, γλαῦκοσ, ἔγχελυσ, κύων. Ἀριστοτέλησ δ’ ἐν τῷ περὶ ἰχθύων ἀγελαῖον καὶ ἐκτοπιστικὸν εἶναι τὴν θυννίδα. Ἀρχέστρατοσ δ’ ὁ κίμβιξ φησί καὶ θύννησ οὐραῖον ἔχειν ‐ τὴν θυννίδα φωνῶ τὴν μεγάλην, ἧσ μητρόπολισ Βυζάντιόν ἐστιν.

εἶτα τεμὼν αὐτὴν ὀρθῶσ ὄπτησον ἅπασαν ἁλσὶ μόνον λεπτοῖσι πάσασ καὶ ἐλαίῳ ἀλείψασ. θερμὰ τ’ ἔδειν τεμάχη βάπτων δριμεῖαν ἐσ ἅλμην καὶ ξήρ’ ἂν ἐθέλῃσ ἔσθειν γενναῖα πέλονται, ἀθανάτοισι θεοῖσι φυὴν καὶ εἶδοσ ὅμοια. ἂν δ’ ὄξει ῥάνασ παραθῇσ, ἀπόλωλεν ἐκείνη.

καὶ Ἀντιφάνησ δ’ ἐν Παιδεραστῇ· τῆσ τε βελτίστησ μεσαῖον θυννάδοσ Βυζαντίασ τέμαχοσ ἐν τεύτλου λακιστοῖσ κρύπτεται στεγάσμασιν. τῆσ θυννίδοσ τὸ οὐραῖον ἐπαινεῖ καὶ Ἀντιφάνησ ἐν Κουρίδι οὕτωσ· ὁ μὲν ἐν ἀγρῷ τρεφόμενοσ θαλάττιον μὲν οὗτοσ οὐδὲν ἐσθίει πλὴν τῶν παρὰ γῆν, γόγγρον τιν’ ἢ νάρκην τιν’ ἢ θύννησ τὰ πρὸσ γῆσ. Β. ποῖα; α.

τὰ κάτωθεν λέγω· β. τούτουσ φάγοισ ἄν; Γ. τοὺσ γὰρ ἄλλουσ νενόμικα ἀνθρωποφάγουσ ἰχθῦσ. β. τὸ δεῖνα δ’ ἐσθίεισ; Γ· τὸ τί; β. τὰ Βοιωτῶν λοιπά ; Γ. Κωπᾷδασ λέγεισ; ἀγρίωσ γε· παρὰ λίμνην γεωργῶν τυγχάνω. τὰ δ’ ἐγχέλεια γράψομαι λιποταξίου· κομιδῇ γὰρ οὐκ ἦν οὐδαμοῦ. τούτων τῶν ἰαμβείων ἔνια ἔστιν εὑρεῖν καὶ ἐν Ἀκεστρίᾳ καὶ ἐν Ἀγροίκῳ ἢ Βουταλίωνι. Ἱππῶναξ δέ, ὡσ Λυσανίασ ἐν τοῖσ περὶ ἰαμβοποιῶν παρατίθεται, φησίν ὁ μὲν γὰρ αὐτῶν ἡσυχῇ τε καὶ ῥύβδην θυννίδα τε καὶ μυττωτὸν ἡμέρασ πάσασ δαινύμενοσ, ὥσπερ Λαμψακηνὸσ εὐνοῦχοσ, κατέφαγε δὴ τὸν κλῆρον ὥστε χρὴ σκάπτειν πέτρασ τ’ ὀρείασ σῦκα μέτρια τρώγων καὶ κρίθινον κόλλικα, δούλιον χόρτον.

Καλλιππίδῃ.

상위

The Deipnosophists, Book 7

목록

SEARCH

MENU NAVIGATION