Athenaeus, The Deipnosophists, Book 7, book 7, chapter 64

(아테나이오스, The Deipnosophists, Book 7, book 7, chapter 64)

’ Ὠνομάσθη δὲ θύννοσ ἀπὸ τοῦ θύειν τε καὶ ὁρμᾶν. ὁρμητικὸσ γὰρ ὁ ἰχθὺσ διὰ τὸ ἔχειν κατά τινα ὡρ́αν οἶστρον ἐπὶ τῆσ κεφαλῆσ, ὑφ’ οὗ φησιν ὁ Ἀριστοτέλησ αὐτὸν ἐξελαύνεσθαι γράφων οὕτωσ· "οἱ δὲ θύννοι καὶ οἱ ξιφίαι οἰστρῶσι περὶ κυνὸσ ἐπιτολήν· "ἔχουσι γὰρ ἀμφότεροι τηνικαῦτα παρὰ τὰ πτερύγια οἱονεὶ σκωλήκιον τὸν καλούμενον οἶστρον, ὅμοιον μὲν σκορπίῳ, μέγεθοσ δ’ ἡλίκον ἀράχνησ, τοῦτο δὲ ποιεῖ αὐτοὺσ ἐξάλλεσθαι οὐκ ἔλαττον τοῦ δελφῖνοσ· "καὶ τοῖσ πλοίοισ πολλάκισ ἐμπίπτουσι. καὶ Θεοδωρίδασ δέ φησι· θύννοι τε διοιστρήσοντι Γαδείρων δρόμον. Πολύβιοσ δ’ ὁ Μεγαλοπολίτησ ἐν τετάρτῃ καὶ τριακοστῇ τῶν ἱστοριῶν περὶ τῆσ ἐν Ἰβηρίᾳ Λυσιτανίασ χώρασ διαλεγόμενόσ φησιν ὅτι βάλανοί εἰσι κατὰ βάθοσ ἐν τῇ αὐτόθι θαλάττῃ πεφυτευμέναι, ὧν τὸν καρπὸν σιτουμένουσ τοὺσ θύννουσ πιαίνεσθαι. διόπερ οὐκ ἂν ἁμάρτοι τισ λέγων ὗσ εἶναι θαλαττίουσ τοὺσ θύννουσ.

εἰσὶν γὰρ οἱ θύννοι οἱο͂ν ὑέσ, ἀπὸ τῶν βαλάνων αὐξανόμενοι, ἐπαινεῖται δὲ τοῦ ἰχθύοσ τούτου τὰ ὑπογάστρια, ὡσ καὶ Εὔβουλόσ φησιν ἐν Ιὤνι·

상위

The Deipnosophists, Book 7

목록

SEARCH

MENU NAVIGATION