Athenaeus, The Deipnosophists, Book 7, book 7, chapter 52

(아테나이오스, The Deipnosophists, Book 7, book 7, chapter 52)

περὶ δὲ τῶν ἐγχέλεων Ἱκέσιόσ φησιν ἐν τοῖσ περὶ ὕλησ ὡσ αἱ ἐγχέλεισ εὐχυλότεραι πάντων εἰσὶν ἰχθύων καὶ ὅτι εὐστομαχίᾳ διαφέρουσι τῶν πλείστων πλήσμιαι γάρ εἰσι καὶ πολύτροφοι, ἐν δὲ τοῖσ ταρίχεσι τὰσ Μακεδονικὰσ ἐγχέλεισ κατατάττει. Ἀριστοτέλησ δὲ χαίρειν φησὶ τὰσ ἐγχέλεισ καθαρωτάτῳ ὕδατι. ὅθεν τοὺσ ἐγχελυοτρόφουσ καθαρὸν αὐταῖσ ἐπιχεῖν πνίγεσθαι γὰρ ἐν τῷ θολερῷ. διὸ καὶ οἱ θηρεύοντεσ θολοῦσι τὸ ὕδωρ ἵνα ἀποπνίγωνται. λεπτὰ γὰρ ἔχουσαι τὰ βράγχια αὐτίκα ὑπὸ τοῦ θολοῦ τοὺσ πόρουσ ἐπιπωματίζονται. ὅθεν κἀν τοῖσ χειμῶσιν ὑπὸ τῶν πνευμάτων ταραττομένου τοῦ τοῦ ὕδατοσ ἀποπνίγονται.

ὀχεύονται δὲ συμπλεκόμεναι κᾆτ’ ἀφιᾶσι γλινῶδεσ ἐξ αὑτῶν, ὃ γενόμενον ἐν τῇ ἰλύι ζωογονεῖται, λέγουσι δὲ οἱ ἐγχελυοτρόφοι καὶ ὡσ νυκτὸσ μὲν νέμονται, ἡμέρασ δ’ ἐν τῇ ἰλύι ἀκινητίζουσι ζῶσί τε τὸ ἐπὶ πολὺ ἐπὶ ὀκτὼ ἔτη. ἐν ἄλλοισ δὲ πάλιν ὁ Ἀριστοτέλησ ἱστορεῖ γίνεσθαι αὐτὰσ οὔτε ᾠοτοκούσασ οὔτε ζωοτοκούσασ ἀλλ’ οὐδὲ ἐξ ὀχείασ, ἀλλ’ ἐν τῷ βορβόρῳ καὶ τῇ ἰλύι σήψεωσ γινομένησ· καθάπερ καὶ ἐπὶ τῶν καλουμένων τῆσ γῆσ ἐντέρων λέγεται, διὸ καὶ Ὅμηρον τῆσ τῶν ἰχθύων φύσεωσ χωρίζοντα τάδε εἰπεῖν τείροντ’ ἐγχέλυέσ τε καὶ ἰχθύεσ οἱ κατὰ δίνασ.

상위

The Deipnosophists, Book 7

목록

SEARCH

MENU NAVIGATION